Alaksandr Kulinič. Fota: jaho sacsietki

Alaksandr Kulinič. Fota: jaho sacsietki

Alaksandra Kuliniča zatrymali 29 lutaha ŭ Breście. Jaho abvinavacili ŭ abrazie Łukašenki. Z taho času jon znachodziŭsia ŭ SIZA i čakaŭ suda, jaki pavinien byŭ adbycca 16 krasavika. Adnak za tydzień da jaho, 9 krasavika, mužčyna pamior. 

Jak paviedamlajuć krynicy, Alaksandr Kulinič pamior ad išemičnaj chvaroby serca. Prynamsi, hetaja pryčyna paznačanaja ŭ zaklučeńni ab śmierci.

U SIZA № 7 Bresta skazali, što źniavoleny z takim imiem u ich znachodziŭsia, ale fakt śmierci paćviardžać admovilisia.

Kadry zatrymańnia mužčyny praŭładnyja telehram-kanały apublikavali 1 sakavika, piša «Viasna».

Taksama ŭ hetym siužecie pakazali kamientary, za jakija mužčynu pryjšli zatrymlivać ź dziasiatak siłavikoŭ u poŭnym abmundziravańni.

Biełarus pisaŭ pra akupacyju Biełarusi Rasijaj i vykazvaŭ padtrymku Ukrainie.

Na sajcie Viarchoŭnaha suda paznačana, što 16 krasavika jaho pavinny byli pačać sudzić pavodle č. 1 art. 368 KK («Abraza prezidenta Respubliki Biełaruś»).

Infarmacyja pra pačatak suda nad Alaksandram Kuliničam. Skrynšot sajta court.gov.by 

Infarmacyja pra pačatak suda nad Alaksandram Kuliničam. Skrynšot sajta court.gov.by 

Pavodle infarmacyi «Lusterka», Alaksandr Kulinič naradziŭsia ŭ Maładziečnie 11 krasavika 1972 hoda (jamu spoŭniłasia b 52). Jon byŭ padpałkoŭnik zapasu, słužyŭ u 38-j asobnaj hvardziejskaj desantna-šturmavoj Bresckaj bryhadzie PDV.

U apošni čas byŭ zarehistravany indyvidualnym pradprymalnikam, zajmaŭsia charčovymi dabaŭkami.

Pa infarmacyi krynic «Lusterka», cieła Alaksandra Kuliniča ŭžo vydali svajakam. Jaho pachavajuć 11 krasavika ŭ rodnym Maładziečnie.

Čytajcie taksama:

Hrošy na nadmahilny pomnik pamierłamu za kratami Iharu Ledniku sabrali za čatyry dni

«Pastaŭcie čarku na mahile mnie». Syn pamierłaha palitviaźnia Lednika pra apošniuju razmovu z baćkam

Leanid Sudalenka: Što my budziem rabić, kali adnojčy ranicaj daviedajemsia, što nobieleŭski łaŭreat Aleś Bialacki pamior u turmie?

Клас
2
Панылы сорам
3
Ха-ха
3
Ого
3
Сумна
49
Абуральна
66