U Viciebsku na žančynu ŭpała dreva. Jana sudziłasia try hady, patrabujučy 100 tysiač rubloŭ kampiensacyi
Incydent adbyŭsia jašče 19 listapada 2020 hoda. U toj dzień chutkaść paryvaŭ vietru dasiahała 15 m/s.
Uviečary žančyna prachodziła kala budynka Viciebskaha abłasnoha dziciačaha kliničnaha centra, i na jaje ŭpała dreva. Viciablanka atrymała traŭmy i trapiła ŭ balnicu, pieraniesła dźvie apieracyi, na praciahu čatyroch miesiacaŭ była całkam niepracazdolnaja, nie mahła samastojna pierasoŭvacca, pišuć Narodnyja naviny Viciebska.
Pradstaŭniki balnicy nie vybačylisia i nie prapanavali dapamohu pa adnaŭleńni. U vyniku žančyna źviarnułasia ŭ sud i pazovam i prasiła spahnać z adkazčyka hrašovuju kampiensacyju maralnaj škody 100 000 rubloŭ.
Adkazčyk na sudzie patrabavańni nie pryznaŭ. Razam z tym było ŭstanoŭlena, što dreva rasło na ziamielnym učastku, jaki naležyć kliničnamu centru, a kantrol za stanam terytoryi nie ažyćciaŭlaŭsia.
Pradstaŭnik lashasu vykazaŭ mierkavańnie, što dreva źjaŭlajecca niebiaśpiečnym i mahčyma jaho padzieńnie.
U vyniku sud Kastryčnickaha rajona pryjšoŭ da vysnovy, što pazoŭ padlahaje zadavalnieńniu. Adnak suma była kudy mienšaja.
Na karyść žančyny spahnali 17 000 rubloŭ, na pakryćcio paniesienych sudovych vydatkaŭ 1150 rubloŭ.
Nie pahadziŭšysia z rašeńniem suda pieršaj instancyi, Viciebski abłasny dziciačy kliničny centr padaŭ apielacyjnuju skarhu, adnak jaje adchilili. Rašeńnie suda ŭstupiła ŭ zakonnuju siłu.
Što zapisana aficyjnaj pryčynaj śmierci adzinaha syna Jarmošynaj?9
Kamientary