Ukraincy padarvali ŭ Čornym mory rasijski abjekt pa karekciroŭcy ŭdaraŭ dronami
U vyniku ŭdałaj apieracyi na adnoj z płatformaŭ u Čornym mory Siły śpiecapieracyj USU źniščyli radyjołakacyjnuju stancyju rasiejcaŭ i abstalavańnie, jakoje dapamahała vorahu atakavać poŭdzień Ukrainy dronami-kamikadze, paviedamlajuć siły śpiecyjalnych apieracyj USU.
«Apieratary 73-ho marskoha centra SSA praviali najskładaniejšuju i efiektyŭnuju apieracyju ŭ Čornym mory la ŭźbiarežža časova akupavanaha Kryma, vokamhnienna spracavaŭšy ŭ zonie patencyjnaj ataki praciŭnika«, — havorycca ŭ paviedamleńni.
Śpiecapieracyja pravodziłasia ŭ zonie pastajannaha patrulavańnia avijacyi i fłotu RF, raskazvajuć u SSA.
Unačy łodki 73-ha marskoha centra Sił śpiecapieracyj padyšli ŭščylnuju da zdabyŭnoj płatformy. Paśla praviadzieńnia śpiecyjalnych dziejańniaŭ i začystki, abjekt byŭ zaminiravany.
U SSA kažuć, što ŭ vyniku było zachoplena važnaje abstalavańnie supiernika i ŭzarvana mačta z antenaj.
«Udała praviedzienaja śpiecapieracyja zabiaśpiečyła svabodnaje pieramiaščeńnie karabloŭ i abmiežavała mahčymaści voraha ŭ paŭnočna-zachodniaj častcy Čornaha mora», — havorać u SSA.
Kamientary