Na stancyi mietro «Park Čaluskincaŭ» abadrali ścieny i demantavali ŭpryhožvańni
Stancyja minskaha mietro «Park Čaluskincaŭ» stała vyhladać vielmi nieprezientabielna. Ścieny abšarpanyja, dekaratyŭnyja elemienty z-pad stoli pazdymali, piša blizko.by.
![](http://d3kcf2pe5t7rrb.cloudfront.net/img/w840d4webp1/photos/z_2024_02/content_p1310266-uuo9e.jpg.webp)
Kali stać tvaram u bok stancyi «Malinaŭka» (a «Uručča» zastaniecca za śpinoj), to levaja puciavaja ściana vyhladaje narmalna, a voś pravaja — niepryhoža. Z kranštejnaŭ, jakija iduć uzdoŭž, prybirali dekaratyŭnyja šklanyja elemienty.
![](http://d3kcf2pe5t7rrb.cloudfront.net/img/w732d4webp1/photos/z_2024_02/content_p1310260-itsx3.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_02/content_p1310261-sncag.jpg.webp)
Jak tłumačyć pres-słužba mietrapalitena, hetaja stancyja — adna z samych «uzrostavych», sioleta joj spoŭnicca 40 hadoŭ. Tamu ciapier u načny čas vykonvajucca płanavyja raboty, naprykład, pa zamienie krejdavaha pakryćcia nad płatformaj na akryłavaje. Dla hetaha byli časova źniatyja elemienty niekatorych śviacilniaŭ. Nieŭzabavie jany viernucca na miesca.
«Park Čaluskincaŭ» — pieršaja sa zbudavanych stancyj Minskaha mietrapalitena. Stancyja była adkryta 29 červienia 1984 hoda. Jaje ŭpryhožvańniem stali dekaratyŭnyja lustry ŭ vyhladzie słaniečnikaŭ z padśvietlenaha adlivanaha škła ciomna-žoŭtaha i karyčnievaha koleraŭ.
![](http://d3kcf2pe5t7rrb.cloudfront.net/img/w732d4webp1/photos/z_2024_02/content_03-wzc05.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_02/content_01-1odpy.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_02/content_02-l0c4f.jpg.webp)
Na afarmleńnie «Parku Čaluskincaŭ» spatrebiłasia 15 ton kryštala i kalarovaha škła.
Kamientary