U Śvietłahorsku narešcie adkryli ladovy pałac. Jaho budavali z 2012 hoda
Siońnia prajšło ŭračystaje adkryćcio ladovaha pałaca ŭ Śvietłahorsku, jaki budavali bolš za 10 hadoŭ. Dziela ekanomii pieršapačatkovy prajekt značna spraścili. «Fłahštok» paraŭnaŭ, što płanavałasia pabudavać spačatku i što atrymałasia ŭ vyniku.
Pierš za ŭsio, źnik druhi pavierch z panaramnym škleńniem. Dla ekanomii navat admovilisia ad kvadratnych aluminijevych panelaŭ. Zamiest ich prymianiajecca ašaloŭka z tannaha mietałaprofilu, takim zvyčajna abšyvajuć prypynačnyja paviljony.
Źmienšyłasia i kolkaść miescaŭ, praŭda, zusim niaznačna: zamiest 500, praduhledžanych pieršapačatkova, u budaŭnikoŭ vyjšła 490.
Pavodle danych inviestycyjnaj prahramy 2022 hoda, na budaŭnictva pałaca mierkavałasia vydzielić 12,35 młn rubloŭ. Ci ŭdałosia što aščadzić na budaŭnictvie, nieviadoma.
Budaŭnictva Śvietłahorskaha ladovaha pałaca ŭpieršyniu było pačata ŭ 2012 hodzie. Nieŭzabavie jano było zakinuta na ŭzroŭni padmurka, prajekt paličyli zanadta darahim dla realizacyi.
Dla zaviaršeńnia budaŭnictva ŭ 2022 hodzie byŭ stvorany novy prajekt, jaki ŭsio adno paśla pryjšłosia pierahladać, kab zrabić bolš tannym.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary
fak jon i ŭ Afrycy fak
słava Śvietłahorsku