Jaho miesca moža zaniać kiraŭnik partyi «Hruzinskaja mara» Iraklij Kabachidze.
Raniej pra adstaŭku Iraklija Harybašvili i pra jaho pierajemnika paviedamili apazicyjnyja hruzinskija ŚMI, piša «Nastojaŝieje vriemia»
Akramia premjer-ministra, pavodle źviestak hruzinskich vydańniaŭ, płanujecca źmiena kiraŭnikoŭ ministerstvaŭ abarony, zamiežnych spraŭ, justycyi i achovy zdaroŭja.
U pryvatnaści, pavodle źviestak telekanała Mtavari, novym ministram abarony zamiest Džuanšera Burčuładze moža stać deputat Iraklij Čykavani.
Praŭładny telekanał «Imiedy» paviedamiŭ, što pasiedžańnie palitrady «Hruzinskaj mary», na jakim byli pryniatyja kadravyja rašeńni, adbyłosia jašče 24 studzienia. Zaćvierdzić pryniatyja palitradaj rašeńni deputaty kirujučaj partyi majuć namier na źjeździe, jaki adbudziecca pieršaha lutaha.
Iraklija Harybašvili pryznačyli premjer-ministram Hruzii ŭ lutym 2021 hoda. Raniej jon užo zajmaŭ hetuju pasadu ŭ 2013-2015 hadach. U hetyja ž hady jon byŭ staršynioj partyi «Hruzinskaja mara».
Kamientary