«Sił usim, dla kaho hetaja historyja akažacca asabistaj». Meryjem Hierasimienka prezientavała pieśniu, jakuju napisała ŭ SIZA
U hadavinu svajho vyzvaleńnia śpiavačka Meryjem Hierasimienka vypuściła pieśniu pad nazvaj «Vakoł cišynia». Artystka raspaviała ŭ svaim instahramie, što skłała tekst jašče ŭ toj čas, kali znachodziłasia ŭ SIZA.
— Muzyka była prosta ŭ majoj hałavie, — napisała Meryjem. — Ja apisvała navakolnyja padziei, momanty, pieražyvańni…
Pa słovach śpiavački, hety trek dla tych, chto hatovy pahruzicca ŭ atmaśfieru SIZA, u jakoj artystka praviała paŭhoda — i nie tolki jana.
Meryjem raskazała, što hety trek pavinien byŭ vyjści jašče minułaj viasnoj, ale jaho čas pryjšoŭ tolki ciapier.
— Sił usim, dla kaho hetaja historyja akažacca asabistaj… Hetym trekam ja zaviaršaju dla siabie tyja ŭspaminy.
Meryjem Hierasimienka zatrymali 4 žniŭnia 2022 hoda paśla kancerta kala minskaha bara «Banki-butyłki», dzie śpiavačka vykonvała pieśniu «Obijmi» hurta «Okiean Elzi» ŭ padtrymku Ukrainy. Fakt vykanańnia pieśni na ŭkrainskaj movie aburyŭ prapahandystaŭ.
Śpiavačku dvojčy asudzili na 15 sutak pavodle administracyjnaha artykuła. Paśla pierazatrymali ŭ miežach kryminalnaj spravy i źmiaścili ŭ SIZA.
20 studzienia 2023 hoda sudździa Viktoryja Šabunia prysudziła Meryjem Hierasimienka try hady «chatniaj chimii». Niekalki dzion tamu stała viadoma pra toje, što «Bajsoł» evakuiravaŭ śpiavačku ź Biełarusi.
«Ciapier ja absalutna ščaślivaja, a ščaślivaja, tamu što volnaja». Meryjem Hierasimienka evakuiravali ź Biełarusi
Uładalnika bara «Banki-Butelki» i jaho žonku asudzili za ŭdzieł u maršach i vypuścili ź SIZA
Śviatasłaŭ Vakarčuk pra Meryjem Hierasimienka: Spadziajusia, jana hodna projdzie heta vyprabavańnie
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary
🎤 Što za hidasny kirunak u muzycy — śpiavać hedak, byccam čymści daviśsia? I prytym hołasam, jak dračka. Tamu j piesieńka ŭ jaje na słych atrymałasia mo' pa seńsie j vydatnaja, a na słych davoli brydzieńkaja.
🤨 Choć samu kabietu j škada. Za toje, što prajšła praz represyi, a tak ničoha j nie zrazumieła. Jak była antybiełaruskamoŭnaju mankurtkaj, tak takoj i zastałasia!