28 śniežnia ŭ Homieli prajšła narada abłasnych čynoŭnikaŭ, na jakoj, siarod inšaha, abmiarkoŭvali farmavańnie siamiejnych kaštoŭnaściaŭ i toje, jak prymusić moładź naradžać šmat i jak maha raniej.
U rehijonie źnižajecca kolkaść šlubaŭ. U 2019 hodzie ich było 9145, to letaś — 8321. Kolkaść razvodaŭ zastajecca stabilnaj — kala 5000 štohod. Adpaviedna padaje naradžalnaść, uzrost maciarynstva raście i mianiajucca repradukcyjnyja ŭstanoŭki, adznačajuć čynoŭniki.
Kab vyrašyć prablemu, łukašenkaŭcy źbirajucca pravodzić maštabnuju pracu, pačynajučy ź dziciačych sadkoŭ.
«Uklučacca musiać nie tolki adukacyja, ideałohija, BRSM, ale i palityčnyja partyi, hramadskija arhanizacyi, ŚMI. I tyja ž kiraŭniki pradpryjemstvaŭ, jakim treba padavać prykład i zaachvočvać lubymi sposabami žadańnie stvarać narmalnyja, zdarovyja siemji i naradžać dziaciej», — cytuje naradu «Homielskaja praŭda».
Čynoŭniki źbirajucca dziejničać radykalna. Dziejničać, na ich mierkavańnie, treba tut i ciapier. I ŭsialak zmahacca z rucham «čajłdfry» i z «pažyć dla siabie».
Najaŭnaść siamji dziaržpresa paraŭnoŭvaje sa słužbaj u armii dla mužčyn. I heta nibyta charaktaryzuje sapraŭdnych patryjotaŭ svajoj krainy.
Ci moža prapahanda ŁHBT paŭpłyvać na seksualnuju aryjentacyju? Voś što kaža psichaseksołah
«Natalla Ivanaŭna, kali treba sabrać podpisy, my źbiarom». Ułady nahniatajuć hamafobnuju isteryju
Chto vinavaty, što biełarusy nie chočuć naradžać dziaciej?
«Čynoŭniki ŭ impatenty b zapisali». Historyi tych, chto vyrašyŭ nie zavodzić dziaciej
Kamientary