Polski sud vynies kančatkovy prysud ukraincu, jaki paraniŭ biełarusa nažom «za vajnu»
Lublinski apielacyjny sud vynies rašeńnie pa spravie 34-hadovaha ŭkrainca Maksima V., jaki ŭ sakaviku 2022 hoda napaŭ na biełarusa Jaŭhiena B. i nanios jamu niekalki nažavych ranieńniaŭ, piša Mostmedia.io.
Upieršyniu prysud u čatyry z pałovaj hady pazbaŭleńnia voli ŭkraincu vynieśli jašče ŭ červieni. Ale ź im nie pahadzilisia ni abarona, ni abvinavačvańnie. U vyniku ŭ apielacyjnym pracesie prakuror zapytvaŭ dla napadnika ažno 12 hadoŭ turmy, a abarona vystupiła za skaračeńnie terminu da «ŭsiaho» paŭtara hoda.
«Heta za vajnu»
Napadnik i paciarpieły pryjechali ŭ Polšču na zarobki, a paznajomilisia padčas abaviazkovaha karancinu ŭ vioscy Kazłoŭka ŭ Lublinskim vajavodstvie — heta prykładna za 30 kiłamietraŭ ad Lublina.
1 sakavika 2022 hoda Maksim i Jaŭhien vyrašyli razam vypić harełki, ale nieŭzabavie pasvarylisia. U chodzie kanfliktu ŭkrainiec nanios biełarusu dva nažavyja ranieńni ŭ vobłaść hrudziej i ruk. A potym prysvoiŭ rečy Jaŭhiena: telefon, kašalok z hatoŭkaj i dakumienty. Paźniej ukrainiec tłumačyŭ palicyi, što pryčynaj roznahałośsiaŭ nibyta stała vajna va Ukrainie.
«Heta za vajnu», — arhumientavaŭ svoj učynak Maksim V.
U kancy červienia 2023 hoda Akruhovy sud u Lublinie pryznačyŭ Maksimu čatyry z pałovaj hady pazbaŭleńnia voli i abaviazaŭ vypłacić paciarpiełamu 10 tys. złotych. Tady sud dapuściŭ, što ŭkrainiec nie rabiŭ zamach na zabojstva, a chacieŭ pryčynić paciarpiełamu cialesnyja paškodžańni.
«Złačyniec uśviedamlaŭ, što vynik moža być śmiarotnym»
Asprečyć červieńskaje rašeńnie suda vyrašyli adrazu dva baki — prakuror i abarona padsudnaha. Słuchańnie adbyłosia 14 śniežnia ŭ Lublinskim apielacyjnym sudzie. Prakuror Kšyštaf Sokuł vystupiŭ za ŭzmacnieńnie žorstkaści pakarańnia da 12 hadoŭ pazbaŭleńnia voli.
«Nanosiačy hłyboka pranikalnaje ranieńnie ŭ hrudnuju kletku, złačyniec uśviedamlaŭ, što zychod moža być śmiarotnym. Paśla pieršaha ŭdaru jon naŭmysna ździejśniŭ druhi, choć paciarpieły abaraniaŭsia. Tamu sumnievaŭ u sapraŭdnych namierach napadnika niama», — zajaviŭ jon.
«Kali b chacieŭ zabić, raspačaŭ by inšyja dziejańni»
Abarona Maksima V. abapirałasia na rašeńnie rajonnaha suda Lublina, jaki pastanaviŭ, što naŭmysnaha zamachu na zabojstva mahło nie być.
«U abvinavačanaha nie było niehatyŭnaha staŭleńnia da paciarpiełaha. Jany razam raśpivali ałkahol, tolki što paznajomilisia. Toje, jak byŭ naniesieny pieršy i nastupnyja ŭdary, śviedčyć pra toje, što zabojstva nie ŭvachodziła ŭ namiery abvinavačanaha. Kali b jon chacieŭ zabić, jon by raspačaŭ inšyja dziejańni», — padkreśliła jahonaja advakatka.
«Prašu prabačeńnia za toje, što zdaryłasia»
U zału suda abvinavačanaha dastavili ź SIZA, u jakim jon utrymlivaŭsia z sakavika minułaha hoda.
«Prašu prabačeńnia za toje, što zdaryłasia. Prašu spraviadlivaha prysudu», — zajaviŭ ukrainiec padčas pracesu.
U vyniku apielacyjny sud pakinuŭ u sile červieńskaje rašeńnie suda pieršaj instancyi — čatyry z pałovaj hady źniavoleńnia.
«Napad z nažom nie byŭ spravakavany»
Apielacyjny sud Lublina adznačyŭ, što hałoŭnaja składanaść u pryniaćci rašeńnia — vyśvietlić sapraŭdnyja namiery napadnika. Padstaŭ dla źmiakčeńnia pakarańnia sud nie ŭhledzieŭ, ale pry hetym uličyŭ, što kanflikt pamiž ukraincam i biełarusam byŭ pieršym.
«Napad z nažom nie byŭ spravakavanym. Ale z-za ŭdaru paciarpieły atrymaŭ paškodžańnie lohkich — heta ŭjaŭlała pahrozu jaho zdaroŭju i źjaŭlajecca surjoznym učynkam», — adznačyŭ sudździa Jacek Michalski.
Rašeńnie suda ciapier kančatkovaje. Adzinaja mahčymaść jaho abskardžańnia — kasacyjnaja skarha ŭ Viarchoŭny sud.
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB4
Kamientary
Piervaja - invalidnosť.
Vtoraja - krišnaitstvo
Trieťja - ubieždionnosť, čto Ukraina- časť roiSSi
Čietviertaja - žiena bieriemienna čietviertym, kto prokormit siemju
I tak daleje....
Nie bud́ pitiekantropom, dumaj, prieždie, čiem pisať!