Ułady pahražajuć Śviatłanie Aleksijevič zabrać jaje minskuju kvateru
Pra toje, što siłaviki pahražajuć Śviatłanie Aleksijevič zabrać jaje minskuju kvateru, jakuju jana kupiła na hrošy ad Nobieleŭskaj premii ŭ domie Čyža pa adrasie Staražoŭskaja, 6 u Minsku, paviedamiła Śviatłana Cichanoŭskaja.
The world-famous Belarusian author & @NobelPrize winner Sviatlana #Alexievich has already been forced into exile. Now the regime is threatening to take away her Minsk apartment in another act of revenge. The same flat where European diplomats came together to protect her in 2020. pic.twitter.com/FymFKkVT8P
«Suśvietna viadomaja biełaruskaja piśmieńnica i łaŭreat Nobieleŭskaj premii Śviatłana Aleksijevič užo była vymušanaja adpravicca ŭ vyhnańnie. Ciapier režym pahražaje adabrać u jaje minskuju kvateru ŭ jakaści čarhovaha aktu pomsty. Tuju samuju kvateru, dzie jeŭrapiejskija dypłamaty sabralisia, kab abaranić jaje ŭ 2020 hodzie», — napisała jana ŭ X.
Śviatłana Aleksijevič paśla prezidenckich vybaraŭ 2020 hoda ŭvajšła ŭ prezidyum Kaardynacyjnaj rady i zaznała cisk uładaŭ. Kab abaranić Aleksijevič ad pieratrusu i zatrymańnia, da jaje ŭ kvateru pryjechali dypłamaty roznych krain. U vieraśni 2020 hoda jana była vyjechała ź Biełarusi. Spačatku jana kazała, što pajechała ŭ Bierlin na zaprašeńnie Hiermanskaj słužby akademičnych abmienaŭ (DAAD). Ale paśla kamientavała, što vierniecca dadomu tolki paśla źmieny ŭłady ŭ Biełarusi.
Raniej prapahandyst Ryhor Azaronak u razmovie ź Piatrom Piatroŭskim prapanavaŭ zabrać kvateru ŭ nobieleŭskaj łaŭreatki.
«Voś jość u nas nobieleŭka… Jana taksama siabra hetaj złačynnaj arhanizacyi. Čamu ŭ jejnaj kvatery (a ŭsie viedajuć, dzie ŭ jaje kvatera)… — kazaŭ Azaronak. Piatroŭski prapanavaŭ addać kvateru šmatdzietnym. «Voś! — pahadziŭsia Azaronak. — Na vajskova-patryjatyčnyja kłuby, siłavikam treba addać. Čaho my saromiejemsia, ja nie razumieju?»
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary