Jaŭhien Alejnik i Julija Bykava. Foty ź instahrama kampazitara

Jaŭhien Alejnik i Julija Bykava. Foty ź instahrama kampazitara

Alejnik paabiacaŭ, što ź dziećmi buduć pracavać najlepšyja piedahohi i vakalisty krainy, a taksama hałoŭny fatohraf Nacyjanalnaj škoły pryhažości i pryziorka konkursu «Mis Biełaruś 2023». Jon taksama anansavaŭ majstar-kłasy ad topavych pradziusaraŭ.

«Nijakich sumnieŭnych konkursaŭ z płastykavymi miedalkami, nijakich stajańniaŭ u piatym šerahu na telezdymkach, ničoha, što prymušaje vas marnavać siły i hrošy na imidž toj ci inšaj vakalnaj škoły», — nachvalvaŭ budučy prajekt Jaŭhien.

Płanujecca, što ramont na zorkavaj bazie kala mietro Park Čaluskincaŭ chutka skončycca i ŭžo sa studzienia nastupnaha hoda Alejnik i Bykava abjaviać nabor junych artystaŭ va ŭzroście ad 8 da 15 hadoŭ.

Skrynšoty ź instahramu Jaŭhiena Alejnika

Skrynšoty ź instahramu Jaŭhiena Alejnika

Čytačka «Našaj Nivy» pacikaviłasia ŭ kampazitara, kolki ž pryjdziecca zapłacić baćkam, jakija chočuć zrabić ź dziaciej zorak biełaruskaj estrady. Toj jašče raz padkreśliŭ, što havorka idzie nie pra prosty vakalny hurtok:

«Heta škoła zorak. Heta nie pra toje, kab prosta zaniać dzicia vakałam. My budziem zdymać klipy, rabić tyktoki. Heta surjoznaja praca, kali my i vy vyrašym, što nam heta treba. Košt prykładna 30-40 tysiač rubloŭ u hod».

Čaho varty Jaŭhien Alejnik jak pradziusar, možna mierkavać chacia b pa takim jaho prajekcie, jak śpiavačka Alaksandra Mielech. Niekalki hadoŭ tamu pra dziaŭčynu amal što nichto nie viedaŭ — jana śpiavała na bek-vakale ŭ toj samaj Julii Bykavaj, a jašče pracavała ŭ centry dadatkovaj adukacyi dziaciej i moładzi «Śvietač».

Ale ŭ 2022 hodzie dziaŭčyna z zapałam u vačach praśpiavała čarhovy chit Hanny Siałuk (niaviestka Łukašenki) i Jaŭhiena Alejnika «Ach, Alaksandr» — hetakaje pryznańnie ŭ kachańni samamu viadomamu Alaksandru krainy. Z taho momantu karjera śpiavački pajšła ŭhoru. Alaksandra pačała vystupać solna, ciapier jaje rehularna zavuć na ŭsie praŭładnyja mierapryjemstvy. Jana, miž inšym, była viadučaj šou «Mis Biełaruś 2023». Taksama Alaksandra viadzie dziońniki prajekta «Zorny šlach» na telekanale ANT.

A nie tak daŭno dziaŭčyna katałasia ŭ Maskvu na viačerniaje šou Małachava «Pieśni ad usioj dušy», dzie praśpiavała, kaniešnie, pra Alaksandra. Tančyli pad jaje śpievy babula ŭ chustačcy, viaskovy bajanist i sam Małachaŭ.

Čytajcie taksama:

Praŭładny śpiavak pajšoŭ u armiju. Paradavałasia navat niaviestka Łukašenki

Hanarar dla siaścior Hruździevych. Kolki kaštujuć biudžetu vystupy artystaŭ na dziaržaŭnych kancertach

Niaviestka Łukašenki napisała pieśniu pa-biełarusku. Vykanaŭcu dla jaje šukali praz kastynh

Клас
3
Панылы сорам
31
Ха-ха
20
Ого
2
Сумна
1
Абуральна
3