Śpiecpradstaŭnik Pucina nazvaŭ biełaruskaje vino šmurdziakom i aburyŭsia jaho pastaŭkami ŭ Rasiju
Jon nie bačyć u hetym ekanamičnaha sensu.
Śpiecpradstaŭnik Uładzimira Pucina pa suviaziach ź mižnarodnymi arhanizacyjami Barys Citoŭ raskrytykavaŭ dazvoł na ŭvoz u Rasiju ałkaholu vytvorčaści Minskaha zavoda vinahradnych vinaŭ.
Citoŭ, jaki ŭznačalvaje vinny dom «Abrau-Dziurso», vykazaŭ mierkavańnie, što biełaruskaje vino vyrablajecca z bałku, to-bok niedarahoha vinamateryjału, piša RBK.
Pry hetym rasijskim vytvorcam taki pradukt nazyvać vinom nielha, a na biełarusaŭ zabarona nie raspaŭsiudžvajecca.
«Budučy ŭvoz u Rasiju pradukcyi Minskaha zavoda vinahradnych vinaŭ — nie što inšaje, jak adnaŭleńnie kanała zbytu na ajčynnym rynku pradukcyi ź impartnaha bałku. Taho samaha vinamateryjału, jaki va ŭžytku atrymaŭ mianušku «šmurdziak», — zajaviŭ Citoŭ.
Pradprymalnik nie bačyć ekanamičnaha sensu ŭ tym, kab napaŭniać rasijski rynak biełaruskim vinom.
«Naohuł kažučy, treba hladzieć nie na toje, jakija dekłaracyi na impart vydadzieny, a na toje, jakaja pradukcyja i pa jakich cenach budzie pastaŭlacca. Kali raptam vyjavicca, što rynak pierapaŭniajecca napojami ź Minska, jakija adnosiacca da nižniaj koštavaj katehoryi, to samo saboj paŭstanie pytańnie — a ŭ čym tady padtrymka ajčynnaha vytvorcy? Čamu toje, što ciapier zabaroniena svaim, dazvalajecca susiedziam? U čym ekanamičny sens?»— zadaŭsia pytańniem Citoŭ.
Niekalkim rasijskim kampanijam raniej dazvolili impartavać u Rasiju niekatoryja viny biełaruskaj vytvorčaści z nazvami, padobnymi na jeŭrapiejskija.
«Jašče 10 čałaviek pajechali». Jak kašmaryli Hrodna padčas apošniaj abłavy1
Kamientary