Muzyka1818

Niaviestka Łukašenki napisała pieśniu pa-biełarusku. Vykanaŭcu dla jaje šukali praz kastynh

A samu pieśniu vykonvali na patryjatyčnym forumie.

Duet, jaki śpiavaje pieśniu na słovy Siałuk «Sapraŭdy». Fota: sacsietki

Hanna Siałuk (tvorčy psieŭdanim Hanny Siarhiejeŭny Łukašenka, niaviestki Alaksandra Łukašenki) niadaŭna napisała novuju pieśniu — na hety raz pra kachańnie. Pad trek «Sapraŭdy» šukali duet. U paru pastavili maładych artystaŭ Arcioma Skarola i Leru Biernatovič.

«Padbirali dziaŭčynu mienavita Arciomu. Pravodzili kastynh, u škole mastactvaŭ mianie znajšli», — raskazała ŭ efiry STB Lera.

Pieśniu «Sapraŭdy» vypuścili ŭ červieni. Za hety čas Lera i Arciom vystupili na mnohich kancertach. U tym liku na patryjatyčnym forumie da Dnia narodnaha adzinstva ŭ «Minsk-Arenie». Učora vypuścili klip.

Pieśnia — na biełaruskaj movie. Voś jak hučyć prypieŭ:

Sapraŭdy
Tolki ty adna,
Adzin tolki ty!
Našy zorki na dvaich sapraŭdy,
Tvaje vočy
I da nieba masty…
Tolki razam podych naš
Sapraŭdy.

Arciom z Ašmianaŭ, sioleta skončyŭ škołu. Udzielničaŭ u biełaruskim nacyjanalnym adbory na dziciačaje «Jeŭrabačańnie» i ŭ šou «Hołas. Dzieci» ŭ Rasii ŭ 2020-m. Jon užo vykonvaŭ pieśniu Siałuk — jana nazyvajecca «Što ty zrabiŭ dla Radzimy?».

Lera vučycca na druhim kursie Minskaha dziaržaŭnaha kaledža mastactvaŭ.

Pieśniu hetu vypuściła «Muzykalnaja miedyjakampanija», dzie ŭ jakaści aŭtarki i pracuje Hanna Siałuk. Namieśnica dyrektara kampanii Taćciana Kułakova — siastra Hanny Łukašenki. 

Raniej niaviestka Łukašenki napisała pieśni «Bulbadens», «Ach, Alaksandr», «Biełaruskaja žonka», jakija aktyŭna raskručvali na dziaržaŭnym TB i radyjo. Jana ž napisała pieśni dla MUS, MNS, armii i himn prakuratury.

Letaś na dziaržaŭnym konkursie «Pieśnia hoda Biełarusi» niaviestku Łukašenki pryznali najlepšaj aŭtarkaj słovaŭ. A najlepšaj pieśniaj pryznačyła pieśniu na jaje słovy «Za nami praŭda».

Kamientary18

  • Extern
    20.10.2023
    Kali ad łukašyzmu što niebudź hučyć pa-biełarusku, to heta zvyčajny cynizm. Ništo inšaje akramia cynizmu.
  • Albiercik
    20.10.2023
    Rydaju ad zamiłavańnia. Ci hety novy chit ad "litaraturnaha niehra" Hanny Siałuk - adlustravańnie bijahrafii jaje cieścia?
  • L lignin
    20.10.2023
    Biełaruskaja pieśnia, ci vyšyvanka ad siamiejki Łukašenki to cynizm i ničoha inšaha akramia cynizmu. Adnosiny Łukašenki da biełaruskaj movy my bačym pa spravam.

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Usie naviny →
Usie naviny

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

bolš čytanych navin
bolš łajkanych navin

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda2

Pa čatach raspaŭsiudžvajuć navinu pra zabaronu na ŭjezd biełaruskich aŭto ŭ Polšču. Adnak heta niapraŭda

Hałoŭnaje
Usie naviny →