Hramadstva22

U Aśviei chočuć pradać na miasa biełaruskich zapražnych koniej — heta adzinaja nacyjanalnaja paroda

Amatary koniej bjuć tryvohu: haspadarka ŭ Aśviei (Vierchniadźvinski rajon) choča pradać tabun na miasa. Tam jość i biełaruskija zapražnyja koni. Heta adzinaja nacyjanalnaja paroda Biełarusi, na vyviadzieńnie jakoj spatrebiłasia nie adno dziesiacihodździe.

Fota ź instahramu konna-spartyŭnaha kłubu «Tabun»

Na situacyju źviarnuli ŭvahu supracoŭniki prakatu koniej u Aśviei. Ciapier jany sprabujuć znajści tych, chto zachacieŭ by vyratavać žyvioł ad nieminučaj hibieli na miasakambinacie: «Kałhas rasfarmiroŭvajuć, koniej puścili na prodaž».

@horse_osveya PRODAJUTSIA ŁOŠADI V OŚVIEJE #ośviejskoje #ośvieja #biełorusskajaupriažnaja #prodažałošadi#łošadi#plemiennyjełošadi#tabun #tabunłošadiej #prodaža ♬ orihinalnyj zvuk - V ČIEM SIŁA?

U kamientaryjach ludzi škadujuć:

«Z takimi namahańniami były dyrektar saŭhasa M. P. razvodziŭ koniej. Ich dahladali jak dziaciej».

Supracoŭniki prakatu koniej adkazvajuć, što abmiarkoŭvali ź Mikałajem Piatrovičam hetu prablemu: «Vielmi pieražyvaje čałaviek. Heta było jaho stvareńnie, luboŭ… Ale niama padtrymki ad kiraŭnictva».

Zhodna z danymi sajta kartoteka.by kompleks «Aśviejski» źjaŭlajecca «niepłaciežazdolnym s/h pradpryjemstvam, jakoje padlahaje finansavamu azdaraŭleńniu ŭ pieryjad 2019-2027, rašeńnie ad 05.04.2019 № 176».

@horse_osveya A siehodnia u nas tak. #tabunłošadiej #tabun #plemiennyjełošadi #łošadiośvieja#biełorusskajaupriažnaja #ośvieja #biełorusskajaupriažnaja ♬ orihinalnyj zvuk - Mona Songz

U Aśvieju pryjazdžali i pradstaŭniki konna-spartyŭnaha kłuba «Tabun»: jany paćvierdzili, što situacyja skłałasia nie vielmi dobraja.

«Koniej pradajuć usim, chto pryjazdžaje. Siońnia zabrali ŭsich izabełavych kabyłak 2023 hoda i pakinuli na broń starejšych izabełak. Taksama pradadzieny adzin z vytvornikaŭ, pryhožy sierabrysty žarabiec, pradadzieny nie ŭ raźviadzieńnie, na žal. Choć jaho była hatova zabrać najbujniejšaja haspadarka «Paleskaja niva».

Jany taksama adznačyli, što ŭ haspadarki jość aptovy pakupnik na ŭsio pahałoŭje — i kiraŭnictva heta całkam zadavalniaje: «Pačalisia hulni ŭ ceny — maŭlaŭ, maładniak 2023 hoda pa 5,5 rubla za kiłahram, za starejšych spačatku nazyvali canu pa 8 rubloŭ, potym pa 6,6. Vielmi brydkaja situacyja, uličvajučy, što košt byŭ abvieščany za ŭsich adnolkavy».

@nasty_chernyavskaya Hospodi, vsie mołodyje , zdorovyje , žieriebyje i małyši ujdut na miaso jeśli nie kupiat, eta poroda otličajetsia spakojnym nravom i pokładistym charaktierom, prodajut po viesu, Biełaruś#biełaruś #koniušniarodnojdom #tabun#riepost#spasitie#pomohitie#šansnažizń#lubovkživotnym #vsiechotiatžiť#zabotaopitomcie #pomoŝživotnym #biełaruskajaupriažnaja #ośvieja ♬ Nie płač - Huziel Chasanova

U kamientaryjach udakładniajuć, što koń u siarednim važyć 400-450 kiłahramaŭ. To-bok dla taho, kab vykupić adnu žyviołu treba zapłacić prykładna 2,5 tysiačy rubloŭ. Z adnaho boku, heta vielmi nievialikija hrošy za parodzistaha kania. Ź inšaha — usio ž taki na prodaž vystaŭlena adrazu šmat žyvioł.

Biełaruski zapražny koń pachodzić ad dzikaha prodka — lasnoha tarpana i naležyć da parod paŭnočnaha lasnoha typu. Na farmavańnie sučasnaj papulacyi vialiki ŭpłyŭ akazali koni konnych zavodaŭ i zavodskich stajniaŭ, pačatak stvareńnia jakich adnosicca ažno da XVII stahodździa. Viadoma, što ŭ 1850-ch hadach na terytoryi Biełarusi ŭžo było 22 nievialikija konnyja zavody i 4 dziaržaŭnyja zavodskija stajni.

U vyniku šmathadovaj narodnaj sielekcyi i ŭznaŭlalnaha skryžavańnia žarabcoŭ zavodskich parod (ardenskaj, arabskaj, hudbransdalskaj, šviedskaj, brabansonskaj, hanovierskaj, arłoŭskaj i h. d.) z abaryhienami lasnoha typu da kanca XIX stahodździ sfarmavaŭsia novy typ biełaruskaj zapražnoj. Da 1941 hoda dadzienaja papulacyja nazyvałasia ašmianski koń, a z 1946-ha — biełaruski zapražny. U 1928-1930 hh. biełaruskija (ašmianskija) koni ekspartavalisia ŭ Hiermaniju, Aŭstryju, Litvu, Polšču i vysoka šanavalisia na rynku.

U pieryjad druhoj suśvietnaj vajny biełaruskaj koniehadoŭli byŭ naniesieny kałasalny ŭron. Dobryja žarabcy i kabyły zahinuli abo byli vyviezieny. Adnaŭleńnie nacyjanalnaj parody zaniało davoli doŭhi čas.

Kamientary2

  • Ałła
    18.12.2023
    Pod sud etich rukovoditielej. Pišitie Saškie v administraciju na ich sajt, on lubit piaritsia na takich voprosach. Pojdut pod nož kołchozany iz miestnoj vłasti.
  • Žuk
    18.12.2023
    Jak raz miesiac tamu nazad "Naša Niva" paviadamlała pra čynoŭnika ź Vierchniadźvinskaha rajona Kuźniacova, jakoha sudzili za złoŭžyvańnie słužbovymi paŭnamoctvami, dyk tam pisali što mienavita jon byŭ kiraŭnikom pradpryjemstva "Aśviejski". Atrymlivajecca, što hety tavaryš davioj jaho da bankrutstva i ciapier praź jaho koni iduć na miasa. A chto ž staviŭ Kuźniacova na kirujučyja pasady, chacia jon usiul zavalvaŭ pracu i mieŭ admošny vynik?

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →