U Pałacie pradstaŭnikoŭ pryniali ŭ pieršym čytańni papraŭki ŭ zakon «Ab prezidencie Respubliki Biełaruś». Jaho pradstaŭlała staršynia Savieta Respubliki Natalla Kačanava, jakaja siarod inšaha akcentavała ŭvahu, što novy zakon zamacoŭvaje pažyćciovyja harantyja dla eks-prezidentaŭ i ich siamiejnikaŭ.
«Vyznačajecca, što prezident, jaki spyniŭ vykanańnie paŭnamoctvaŭ u suviazi sa skančeńniem terminu jaho znachodžańnia na pasadzie, albo daterminova ŭ vypadku jaho adstaŭki abo stojkaj niedziejazdolnaści praz stan zdaroŭja ažyćciaŭlać abaviazki prezidenta, maje niedatykalnaść», — patłumačyła Kačanava.
Jaho, maŭlaŭ, niamožna budzie pryciahvać da adkaznaści za dziejańni, jakija jon ździejśniŭ u suviazi z vykanańniem prezidenckich paŭnamoctvaŭ. I ŭvohule niamožna budzie pazbaŭlać voli byłoha prezidenta na takich padstavach.
Pryniaćcie novych zakonaŭ łukašysty inicyjavali ŭ suviazi z tym, što letaś jany pryniali novuju kanstytucyju, i treba, kab inšyja pravavyja akty prynamsi farmalna joj adpaviadali.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary