Italija, Słavienija i Čechija zhulajuć na čempijanacie Jeŭropy pa futbole
Viadomyja 20 z 24 kamandaŭ, jakija voźmuć udzieł nastupnym letam u kantynientalnym pieršynstvie.
Momant matča Ukraina — Italija. Fota:Martin Meissner / AP
Italija zhulała ŭničyju z Ukrainaj — 0:0 i zaniała druhoje miesca ŭ hrupie S za košt pieramohi nad ukraincami ŭ pieršym matčy.
Anhlija — 20, Italija — 14, Ukraina — 14, Paŭnočnaja Makiedonija — 8, Malta — 0.
Čechija pieramahła Małdovu 3:0 i zaniała druhoje miesca ŭ hrupie Je:
Ałbanija — 15, Čechija — 15, Polšča — 11, Małdova — 10, Farery — 2.
Słavienija ŭ hrupie N vyjhrała ŭ Kazachstana — 2:1 i taksama adpraŭlajecca na Jeŭra.
Danija — 22, Słavienija — 22, Kazachstan — 18, Finlandyja — 18, Paŭnočnaja Irłandyja — 9, San-Maryna — 0.
Takim čynam, vyznačylisia 20 z 24 zbornych, jakija voźmuć udzieł u čempijanacie Jeŭropy nastupnym letam.
Heta Niamieččyna (haspadynia spabornictvaŭ), Ispanija, Šatłandyja, Francyja, Niderłandy, Anhlija, Italija, Turcyja, Ałbanija, Čechija, Bielhija, Aŭstryja, Vienhryja, Sierbija, Partuhalija, Słavakija, Rumynija, Šviejcaryja, Danija, Słavienija.
Ale i Ukraina, i Kazachstan atrymajuć šaniec prabicca na Jeŭra-2024 praz płej-of Lihi nacyj.
Dadatkovaja sproba tyčycca 12 zbornych, jakija razyhrajuć u sakaviku try pucioŭki. Losavańnie hetaj stadyi projdzie ŭ hety čaćvier.
U aŭtorak vyrašycca intryha ŭ hrupie D, dzie jašče ŭ kastryčniku pucioŭku na ČIE zavajavała Turcyja.
Tut na druhoje miesca pretendujuć Charvatyja i Uels.
Pryčym u charvataŭ na dva bały bolš za brytancaŭ. Charvatyja doma zhulaje z Armienijaj, a Uels — z Turcyjaj. Pačatak matčaŭ u 22:45 pa minskim časie.
Taksama ŭ aŭtorak apošni matč u hrupie I praviadzie zbornaja Biełarusi. Jana zhulaje ŭ haściach z Kosava (pačatak u 22:45).
Rumynija — 19, Šviejcaryja — 17, Izrail — 12, Kosava — 11, Biełaruś — 9, Andora — 2.
Biełarusy i kasavary razyhrajuć, napeŭna, 4-je miesca ŭ hrupie. Bo Izrail u haściach hulaje z Andoraj.
Kamientary