Skandał u rasijskaj handbolnaj lizie: trenier-biełarus pierastaŭ vypuskać biełarusku
U centry skandału akazałasia 21-hadovaja biełaruska z taljacinskaj «Łady» Alina Kiško.
Razam ź inšaj paŭsiaredniaj rasijankaj Volhaj Javon Alina nie trapiła ŭ zajaŭku taljacinak u dvuch matčach Supierlihi zapar — z «Rastoŭ-Donam» i «Astrachanačkaj». Pry hetym pra nijakija prablemy sa zdaroŭjem nie paviedamlałasia. U 10 matčach Kišno zakinuła 60 miačoŭ i dzielić 14-je miesca ŭ śpisie bambardzirak čempijanatu Rasii. U dźviuch apošnich sustrečach — z čempijonam CSKA — biełaruska zakinuła 16 miačoŭ, piša betnews.by.
Pikantnaści historyi dadaje toje, što «Ładu» ŭznačalvaje biełaruski śpiecyjalist — Dźmitryj Cichan, viadomy pa pracy z mužčynskim BHK. U Taljaci hulajuć jašče try biełaruski: bramnicy Valancina Vajtulevič i Julija Kuncevič, a taksama liniejnaja Iryna Mokat.
U kułuarach kažuć, što vyviadzieńnie sa składu Kiško i Javon źviazana z padpisańniem imi kantraktaŭ na nastupny siezon ź inšymi kamandami (raspaŭsiudžanaja praktyka ŭ handbole). Pa čutkach, Alina moža stać hulcom inšaha rasijskaha hranda — «Rastova-na-Donie».
Kiško ŭvajšła ŭ skład zbornaj Biełarusi dla padrychtoŭki da tavaryskich matčaŭ z rasijankami, jakija adbuducca ŭ subotu i niadzielu ŭ minskim Domie handboła. Pry hetym raniej hałoŭny trenier Valeryj Piaŭnicki zajaŭlaŭ, što handbalistka znachodzicca na «karancinie» i «piedahahična-vychavaŭčaj paŭzie».
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks1
Kamientary