15-hadovaha syna Ramzana Kadyrava pryznačyli na pasadu načalnika adździeła biaśpieki kiraŭnika Čačni
Palitołahi ličać, što, uznaharodžvajučy i prasoŭvajučy na dziaržaŭnyja pasady syna, Ramzan Kadyraŭ pakazvaje jaho ŭ jakaści mahčymaha pierajemnika na pasadzie kiraŭnika Čačni.
15-hadovaha syna Ramzana Kadyrava pryznačyli na pasadu načalnika adździeła harantavańnia biaśpieki kiraŭnika Čačni, piša Rasijskaja słužba Radyjo Svaboda.
6 kastryčnika padletak atrymaŭ zvańnie Hieroja Čačenskaj Respubliki. Paźniej jon byŭ uznaharodžany druhim pa značnaści ordenam Tatarstana «Dusłyk» — «za značny ŭkład va ŭmacavańnie mižnacyjanalnaha i mižkanfiesijnaha miru i zhody», a taksama najvyšejšym ordenam Karačajeva-Čarkiesii «za zasłuhi pierad Respublikaj».
Paviedamlałasia, što čačenskaje kiraŭnictva prasiła mnohija kaŭkazskija respubliki «padtrymać» Adama Kadyrava, adnak ułady Adyhiei i Kabardzina-Bałkaryi admovilisia prysudžać jamu svaje nacyjanalnyja ŭznaharody.
U kancy vieraśnia kiraŭnik Čačni Ramzan Kadyraŭ apublikavaŭ u svaim telehram-kanale videa, na jakim Adam źbivaje 19-hadovaha Mikitu Žuraŭla, jaki znachodzicca ŭ SIZA pa abvinavačvańni ŭ spaleńni Karana. Kadyraŭ-starejšy ŭchvaliŭ hetyja dziejańni.
Palitołahi ličać, što, uznaharodžvajučy i prasoŭvajučy na dziaržaŭnyja pasady 15-hadovaha Adama, Ramzan Kadyraŭ pradstaŭlaje jaho ŭ jakaści svajho mahčymaha pierajemnika na pasadzie kiraŭnika Čačni.
Minimum dva rehijony admovilisia ŭznaharodzić syna Kadyrava. U Kramli naohuł nie viedajuć, što z hetymi ŭznaharodami rabić — Viorstka
15-hadovamu synu Kadyrava ŭručyli orden ad Karačajeva-Čarkiesii. Učora jon atrymaŭ prestyžnuju ŭznaharodu Tatarstana
15-hadovamu synu Kadyrava ŭručyli prestyžnuju ŭznaharodu Tatarstana. Pierad tym jaho krytykavaŭ tatarski deputat
15-hadovy syn Ramzana Kadyrava staŭ Hierojem Čačni
«Ty budzieš mnie miła ŭśmichacca». Syn Kadyrava, jaki mocna źbiŭ čałavieka ŭ SIZA, adkazaŭ na krytyku ŭ svoj adras
Kamientary
Proischodi eto hdie to v afrikie.
No tolko biez nas.