Zaŭčasna vyzvalili byłoha dyrektara «Biełtelekama». Jon davaŭ pakazańni na Uciuryna
Były dyrektar «Biełtelekama» Siarhiej Sivadziedaŭ prachodziŭ pa «spravie Uciuryna» — byłoha načalnika achovy Łukašenki i namieśnika dziaržsakratara ŭ Radzie biaśpieki.
Sivadziedaŭ zaklučyŭ dasudovaje pahadnieńnie i davaŭ pakazańni na astatnich chabarnikaŭ.
Jamu dali značna mienš, čym Andreju Uciurynu, — siem hadoŭ kałonii ŭzmocnienaha režymu pa č. 3 art. 430 KK.
Jak stała viadoma «Našaj Nivie», peŭny čas tamu Sivadziedaŭ vyjšaŭ na volu, nie dabyŭšy častki terminu.
Zatrymany fihuranty spravy byli na pačatku maja 2019-ha.
«Chłopcy pa hetaj spravie pisali šmat prašeńniaŭ ab pamiłavańni. Samaje imaviernaje, što adbyłasia zamiena nieadbytaj častki pakarańnia bolš miakkaj», — patłumačyŭ «Našaj Nivie» abaznany surazmoŭca.
[Udakładniena: Sivadziedaŭ vyjšaŭ na volu 31 maja.]
Hetaja infarmacyja kareluje z tym, što ź niedabudavanaha doma byłoha načalnika achovy Łukašenki Andreja Uciuryna źniali aryšt i jon vystaŭleny na prodaž.
Čytajcie taksama: Ź niedabudavanaha doma Uciuryna ŭ Drazdach źniali aryšt. Toj pradaje jaho za $1,3 miljona
Dom u Drazdach pradajecca za $1,3 miljona.
«Imavierna, Uciuryna taksama rychtujuć da vychadu, daŭšy mahčymaść kampiensavać škodu za košt prodažu doma», — reziumujuć našy surazmoŭcy.
«Naša Niva» — bastyjon biełaruščyny
PADTRYMAĆ
Kamientary