Pasoł Rasii panarakaŭ, što ŭ Biełarusi mała filijałaŭ rasijskich VNU
«Jość tyja VNU, jakija chacieli b tut stvaryć svaje filijały. Heta było b absalutna pravilna», — miarkuje Barys Hryzłoŭ.
U Biełarusi moža źjavicca bolš filijałaŭ rasijskich VNU. Pra heta žurnalistam paviedamiŭ pasoł Rasii ŭ Biełarusi Barys Hryzłoŭ pierad XII forumam VNU inžynierna-technałahičnaha profilu Sajuznaj dziaržavy, piša BiełTA.
«I ŭ Biełarusi, i ŭ Rasii jość vydatnyja VNU, u tym liku ŭ napramku pramysłovaści, technałahičnaha suvierenitetu. Chaciełasia b, kab dostup u hetyja VNU byŭ roŭnym. Rasija daje mahčymaść biełaruskim studentam navučacca ŭ ramkach uradavaj kvoty — heta biaspłatnaje navučańnie. Na hety hod było dadziena 1300 miescaŭ. Taksama vučacca i rasijanie ŭ biełaruskich VNU. Chaciełasia b jašče razhledzieć siońnia i pytańni ab arhanizacyi filijałaŭ rasijskich VNU na terytoryi Biełarusi», — raspavioŭ Barys Hryzłoŭ.
Pasoł adznačyŭ, što va Uźbiekistanie pracujuć 13 filijałaŭ rasijskich VNU, u Kazachstanie — 8, u Armienii — 6, u Biełarusi —tolki 2.
«U Sajuznaj dziaržavie treba vypravić hety niedachop. Jość tyja VNU, jakija chacieli b tut stvaryć svaje filijały. Heta było b absalutna pravilna. U biełaruskich abituryjentaŭ papularnymi źjaŭlajucca takija rasijskija VNU, jak Sankt-Pieciarburhski politechničny ŭniviersitet, jon znachodzicca na pieršym miescy pa pažadańniach, taksama pastupajuć u instytut dakładnaj miechaniki i optyki, u Sankt-Pieciarburhski dziaržaŭny elektratechničny ŭniviersitet», — kanstatavaŭ jon.
Barys Hryzłoŭ prakamientavaŭ i najaŭnaść u Biełarusi atamnaj haliny.
«Jość instytut MIFI, jaki rychtuje śpiecyjalistaŭ-jadzierščykaŭ, dumaju, što tudy pavinny pastupać biełaruskija abituryjenty dla taho, kab hetaja halina była mienavita biełaruskaj. Tak što ŭ nas vielmi šmat pytańniaŭ, jakija my chacieli b siońnia abmierkavać», — skazaŭ na zakančeńnie pasoł.
Kamientary