«Usio ŭpirałasia ŭ biurakratyju». Biełaruski dobraachvotnik raskazaŭ, jak vyjhraŭ sud u Mihracyjnaj słužby Ukrainy
Biełarus Ivan Tamaševič z pazyŭnym «Mienavita» słužyŭ u pałku Kalinoŭskaha i II Internacyjanalnym lehijonie ad sakavika 2022 da červienia 2023 hoda.
Kali Ivan Tamaševič zvolniŭsia z vojska, to pačaŭ sproby atrymać va Ukrainie status uciekača, piša «Radyjo Svaboda».
«Paśla zvalnieńnia ź II Internacyjanalnaha lehijona ŭ mianie źjaviłasia razumieńnie, što słužyć mnie bolš niama dzie. Praz kiraŭnikoŭ pałka Kalinoŭskaha ja trapiŭ u čornyja śpisy HUR i nie mahu trapić navat u tyja padraździaleńni, jakija nie źviazanyja z pałkom», — raskazvaje Ivan.
Jon kaža, što ni žadańnia, ni mahčymaściaŭ źjazdžać z Ukrainy ŭ jaho nie było, tamu Ivan vyrašyŭ lehalizavacca ŭ krainie i padacca na status uciekača.
«Tym bolš što moj telehram-kanał «Mienavita War» byŭ pryznany ŭ Biełarusi «ekstremisckimi materyjałami». Dadałasia taksama słužba va ŭkrainskim vojsku, praź jakuju ŭ Biełarusi mianie budzie čakać kryminalny pieraśled», — raskazvaje Tamaševič.
Ale atrymać daviedku z vajskovaj čaści, dzie słužyŭ dobraachvotnik, akazałasia niaprosta.
«Usio ŭpirałasia ŭ biurakratyju. Ja napisaŭ rapart ab zvalnieńni jašče 21 červienia, 23 červienia byŭ zvolnieny, a dakumienty zmoh atrymać tolki 6 lipienia».
Akurat praz heta i ŭźnikła zaminka z padačaj dakumientaŭ.
«11 lipienia ja trapiŭ da ŭkrainskaj pravaabarončaj arhanizacyi «Pravo na zachist», jakaja maje suviazi z Ahienctvam AAN u spravach uciekačoŭ (UVKB AAN). Praź ich ja atrymaŭ list abarony ad UVKB AAN (kopija jość u redakcyi. — RS), što davała peŭnyja prefierencyi. «Pravo na zachist» taksama dapamahała mnie z padrychtoŭkaj dakumientaŭ dla padačy ŭ Dziaržaŭnuju mihracyjnuju słužbu Ukrainy (DMS). Atrymaŭsia dastatkova toŭsty pakiet, ź jakim ja 14 lipienia pajechaŭ u kijeŭskuju DMS».
Pieršapačatkova Ivanu Tamaševiču admovili ŭ pryniaćci dakumientaŭ, ale dali mahčymaść padacca pa pošcie. Pry hetym nie było harantyi, što takim čynam dakumienty dojduć da adrasata.
«Paśla niekatorych maich telefonnych razmoŭ i pravaabaroncaŭ z DMS mnie pastavili ŭmovu, što dakumienty jany voźmuć, ale na mianie musiać skłaści administracyjny pratakoł ab pieravyšeńni terminu znachodžańnia na terytoryi Ukrainy. Dla mianie heta było čakana. Ja musiŭ zapłacić štraf u pamiery 3400 hryŭniaŭ (kala 93 dalaraŭ). U mianie było 10 dzion, kab abskardzić hetaje rašeńnie. U hetym mnie znoŭ dapamahali jurysty arhanizacyi «Pravo na zachist», — raskazvaje jon.
U vyniku dakumienty ŭ mihracyjnaj słužbie ŭ Ivana pryniali ŭ žniŭni.
«Mnie vydali daviedku, što ja padaŭsia na atrymańnie statusu asoby, jakaja patrabuje abarony va Ukrainie. Hetaja daviedka dazvalaje mnie lehalna znachodzicca na terytoryi Ukrainy».
Paśla hetaha Ivan razam z pravaabaroncami pačaŭ abskardžvać rašeńnie DMS.
«Ja pryvioŭ dovady, čamu nie zmoh u vyznačany termin vyśvietlić svoj status va Ukrainie, usio heta było vykładziena ŭ liście. Skarha była nakiravanaja ŭ sud elektronnaj poštaj. Praź niejki čas mnie pryjšoŭ vialiki list, što sprava była razhledžanaja i maja skarha była zadavolenaja. Pastanova DMS, takim čynam, admianiajecca».
Nakont statusu ŭciekača Ivan Tamaševič pakul nie maje adkazu. Kaža, što jahonaja znajomaja błohierka Alena Vasiljeva čakała adkazu ceły hod. Ciapier ža, padčas vajny, miarkuje «Mienavita», achvotnych atrymać status mienš, i terminy pavinny skaracicca. Sa słoŭ «Mienavita», viadoma, što nichto ź biełaruskich vajaroŭ pakul nie atrymlivaŭ va Ukrainie statusu ŭciekača, tolki dazvoł na žycharstva.
Sam Ivan Tamaševič na hety momant razam z Alenaj Vasiljevaj zajmajecca dabračynnaj dziejnaściu ŭ ramkach arhanizacyi «Biełaruski Majdan UA».
«U mianie byli peŭnyja suviazi, atrymałasia niešta pieradać dla ŭkrainskich vajskoŭcaŭ. Maju padziaki za dapamohu. Ludzi praz našy sacsietki mohuć adsočvać, kudy idzie ichniaja dapamoha, bačać, što nijakaha prybytku my z hetaha nie majem. Niadaŭna prychodziła dapamoha ad niamieckaj arhanizacyi, tam pryjšli miedyčnyja aparaty, šmatfunkcyjanalny łožak, ahułam 3,5 tony hruzu».
Ivan Tamaševič udzielničaŭ u apieracyi pa ŭtrymańni stancyi Kalinindorf u Chiersonskaj vobłaści, braŭ udzieł u šturmie siała Łazavoje, udzielničaŭ u bajach pad Sievieradanieckam i Hulajpolem. Apošnim časam razam ź II Internacyjanalnym lehijonam znachodziŭsia ŭ Charkaŭskaj vobłaści, niedaloka ad miažy z Rasijaj.
Zahinułaha biełaruskaha vajara pachavajuć u Ivana-Frankoŭskaj vobłaści
Vadzim Kabančuk prapanuje stvarać biełaruskija vajskovyja farmavańni ŭ samoj Jeŭropie. Ci budzie takoje mahčyma?
U Kijevie adšukali źnikły dva hady tamu pomnik Žyźnieŭskamu, a biełaruskija dobraachvotniki adnavili narodny miemaryjał suajčyńniku
Kamientary
Riebiata, vas k politikie na pušiečnyj vystrieł podpuskať nielzia!