Biełaruska vyrašyła pakinuć hrošy ŭ kamiery zachoŭvańnia kramy, bo ich nie ŭziali ŭ banku
Dziŭnaja historyja adbyłasia 1 červienia ŭ Mahilovie. Achoŭnik kramy vyrašyŭ unačy pravieryć kamiery zachoŭvańnia, jak heta prapisana ŭ jaho abaviazkach. U adnoj ź jačejek byŭ siurpryz: u pakiecie lažali pački dołaraŭ i biełaruskich rubloŭ. Na historyju źviarnuŭ uvahu Onliner.
Padumaŭšy, što hrošy nie sapraŭdnyja, a jaki-niebudź rekvizit, achoŭnik pakazaŭ ich pradavačcy kramy, a potym pajšoŭ ź imi ŭ pakoj achovy. Pa praviłach kramy, kali ŭ jačejcy niechta pakinuŭ rečy, ich zachoŭvajuć u śpiecyjalnym miescy, pakul pa ich nie pryjdzie ŭładalnik.
Ale achoŭnik zrazumieŭ, što kupiury sapraŭdnyja, i schavaŭ adzin pačak kupiur z 12 tysiačami rubloŭ. Potym supracoŭniki kramy vyklikali milicyju i pieradali joj hrošy.
Pakul nichto nie viedaŭ, adkul uzialisia hrošy ŭ kamiery zachoŭvańnia, achoŭnik paśpieŭ častkova ich patracić. Jon kupiŭ sabie noŭtbuk, mabilny telefon, navušniki, załaty piarścionak i inšyja rečy; pradavačcy, jakoj jon pakazvaŭ hrošy, — smart-hadzińnik.
Svajoj maci jon pieravioŭ 2200 rubloŭ, nabyŭ mabilny telefon i televizar, a taksama daŭ joj 2400 rubloŭ, kab jana pahasiła kredyty. Zjaŭleńnie takich hrošaj jon rastłumačyŭ tym, što znajšoŭ bujnuju sumu (ale padrabiaznaściaŭ nie ŭdakładniŭ).
A potym pa hrošy pryjšła ich sapraŭdnaja ŭładalnica. Jana źbirałasia pakłaści ich u bank, ale joj admovili. Nie znajšoŭšy ničoha ŭ kamiery zachoŭvańnia, jana pajšła z zajavaj u milicyju.
Pa słovach žančyny, u jaje nie było mahčymaści zachoŭvać hetyja hrošy (21 tysiaču rubloŭ i 21 tysiaču dalaraŭ) pry sabie abo ŭ jakim-niebudź inšym miescy, jana vyrašyła pakinuć ich na niekalki dzion u kamiery zachoŭvańnia kramy.
Sud Kastryčnickaha rajona Mahilova pryznaŭ achoŭnika vinavatym u kradziažy i pryznačyŭ pakarańnie ŭ vyhladzie abmiežavańnia voli terminam na 2 hady 6 miesiacaŭ biez nakiravańnia ŭ papraŭčuju ŭstanovu adkrytaha typu. Z prysudu vynikaje, što ŭsie nabytyja im rečy kanfiskavanyja, a jon zastaŭsia vinien žančynie jašče 3550 rubloŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary