Rasijskaja armija źniała z kansiervacyi staryja ekśpierymientalnyja BTRy i adpraviła va Ukrainu
Rasija adpraviła na front pabudavanyja ŭ 1990-ja hady ekśpierymientalnyja BTR-90 «Rastok». Heta śviedčyć ab prablemach ź niedachopam techniki ŭ rasijskich vojskaŭ.
Ekśpierymientalnyja BTRy źjavilisia na videa, apublikavanym telekanałam RT. Takich mašyn było vyrablena kala dziasiatka, adznačaje Forbes. Niekalki hadoŭ pravodzilisia ich vyprabavańni va ŭnutranych vojskach, a paśla jany byli adpraŭleny na zachoŭvańnie ŭ Navukova-daśledčy vyprabavalny instytut u Kubincy Maskoŭskaj vobłaści. U toj čas nie było patreby ŭ novych BTRach, zaznačajuć analityki.
Jany dadajuć, što BTR-90 — dobraja bajavaja mašyna, ale źjaŭleńnie na froncie eksprymientalnych uzoraŭ śviedčyć pra adčajnaje stanovišča rasijskaj vajskovaj pramysłovaści.
Na źjaŭleńnie ŭ vojskach ekśpierymientalnaj techniki źviarnuli ŭvahu taksama rasijskija pravajennyja telehram-kanały, piša «Ahienctva. Naviny». «Na fonie źjaŭleńnia takoha raryteta ŭ zonie SVA ŭžo navat nie ździvimsia, kali ŭ kampaniju da jaho dadaducca jakija-niebudź nie mienš rarytetnyja ŭzory, nakštałt tankaŭ T-95 (raspracavany ŭ 1990-ja tank, było vypuščana dźvie štuki) ci «Čorny Aroł» (taksama raspracavany ŭ 1990-ja. — «Ahienctva»)», — napisaŭ blizki da Minabarony kanał «Rybar».
Za hod i vosiem miesiacaŭ vajny va Ukrainie rasijskaje vojska straciła nie mienš za čatyry tysiačy BMP i BTR. Heta prykładna tracina taho, što, pavodle źviestak vajskovych ekśpiertaŭ, było na ŭzbrajeńni rasijskich vojskaŭ u lutym 2022 hoda.
U sakaviku Rasija pačała zdymać z kansiervacyi svaje najstarejšyja tanki T-54 i T-55 vytvorčaści siaredziny XX stahodździa. Tady ž na froncie źjavilisia rasijskija «tanki-frankienštejny»: bronietransparciory MT-ŁB z karabielnymi zienitnymi ŭstanoŭkami.
Vajennyja ekśpierty tady paraŭnoŭvali hetuju praktyku ź dziejańniami IDIŁ i «Al-Kaidy».
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy11
Kamientary
Bud́tie žie pośledovatielny v svoich antiimpierialističieskoj cielach.
Diktaturie Kriemla, vidimo, suždieno umierieť iz-za vlijanija izvnie. I sovsiem nie viečno vinovatoj Amieriki. Ot, prostitie, niedoporaboŝiennych narodov - naroda Ukrainy i naroda Biełoruśsii. Na samom diele Impierija słaba, i vojna tomu nahladnoje śvidietielstvo. Słožno priedvidieť, budut li vpośledstvii narody Rośsii błahodarny narodu Biełoruśsii i narodu Ukrainy, vsio zavisit ot vnutrieńniej zriełosti miestnych elit v tom čiśle. Odnako, budiem čiestny: šans narodov Rośsii siejčas v rukach biełorussov i ukrainciev. Jestiestvienno, vsie propahandistskije siły brošieny na dostižienije śvierchzadači - na miežusobicu mieždu ukrainskimi siłami i biełorusskimi.