Va Ukrainie zahinuli jašče dva biełaruskija dobraachvotniki. Jany vajavali na bachmuckim kirunku
Zahinuli jašče dva biełaruskija dobraachvotniki, jakija vajavali na baku Ukrainy, jašče adzin bajec atrymaŭ ranieńni. Heta adbyłosia ŭ noč z 6 na 7 kastryčnika, piša «Lusterka».
Viadoma, što dobraachvotniki zahinuli, vykonvajučy zadaču na bachmuckim kirunku. Raniej biełarusy vajavali ŭ bataljonie «Vołat» pałka Kalinoŭskaha. Svajakam bajcoŭ paviedamili pra ich hibiel.
Jak viadoma «Našaj Nivie», zahinułyja bajcy niadaŭna vyjšli z pałka Kalinoŭskaha i dałučylisia da inšaj vajskovaj struktury. Vajary zahinuli, kali snarad razarvaŭsia kala mašyny, u jakoj jany jechali.
3 kastryčnika stała viadoma ab stracie jašče niekalkich dobraachvotnikaŭ na ŭschodzie Ukrainy, jakija vajavali ŭ składzie «Terora», — u bataljonie nie ŭdakładniali kolkaści zahinułych.
Pavodle apošnich źviestak, abaraniajučy Ukrainu, zahinuli nie mienš za 22 biełarusy.
Kamientary