«Adzin z apošnich varyjantaŭ u rajonie reśpiektabielnaj zabudovy». Jakija ŭčastki pradajuć u miežach Minska

Pobač z Nacyjanalnaj biblijatekaj 

Za 297 000 dalaraŭ vystaŭleny na prodaž učastak pamieram 9,5 sotki pa vulicy Ciapličnaj, što niepadalok ad Nacyjanalnaj biblijateki.

Pavialičyć

Hety kavałak staličnaj ziamli pradaviec nazyvaje adnym z apošnich svabodnych učastkaŭ u rajonie reśpiektabielnaj katedžnaj zabudovy Minska.

Pieršaja linija vadaschovišča Drazdy

U 279 900 dalaraŭ acenieny ŭčastak ŭ Drazdach. Płošča ŭsiaho 5,3 sotki. Znachodzicca jon la pieršaj bierahavoj linii Dubroŭskaha vadaschovišča. 

Pavialičyć

Kali vieryć apisańniu, to ad kraju ŭčastka da vadaschovišča ŭsiaho 60 mietraŭ.

Znoŭ Drazdy 

Jašče adzin učastak niepadalok ad vadaschovišča Drazdy pradajecca pa adrasie zavułak Ržaviecki, 20. Na ŭčastku pamieram 10 sotak staić dom, jaki, pa ŭsioj bačnaści, nie maje vialikaj kaštoŭnaści, bo pradajecca abjekt jak učastak ziamli. 

Pavialičyć

Prosiać za jaho 275 tysiač dalaraŭ. Usie kamunikacyi centralnyja. Realny torh mahčymy pry ahladzie abjekta — havorycca ŭ apisańni.

Učastak z pałovaj doma

Adzin ź niešmatlikich učastkaŭ niepadaloku ad centra — 10 sotak pa 4-m zaharadnym zavułku — acenieny ŭ 112 tysiač dalaraŭ. 

Pavialičyć

Na ŭskrajku ŭčastka staić pałova staroha draŭlanaha doma. Ale jak miesca dla žylla pradaviec jaho nie rekłamuje, a tolki adznačaje, što paśla ŭźviadzieńnia novaha doma jaho možna vykarystoŭvać dla roznych metaŭ.

Na bierazie Śvisłačy

Na vulicy Šejpičy, što idzie ŭzdoŭž raki Śvisłač, za 85 tysiač dalaraŭ pradajecca ŭčastak pamieram amal 13 sotak. 

Jak vynikaje z apisańnia, siarod vyhod cyvilizacyi tam tolki elektryčnaść. Učastak nie hazifikavany, centralnaha vodapravoda i kanalizacyi taksama niama. 

Pavialičyć

«Znachodzicca ŭ vielmi malaŭničym miescy, pobač z domam ciače raka Śvisłač. Pa vulicy ŭsiaho niekalki žyłych damoŭ, dobry padjazny puć», — havorycca ŭ apisańni.

Terminovy prodaž

Adzin z samych tannych kavałkaŭ staličnaj ziamli z vystaŭlenych na prodaž — učastak pa vulicy Bahdanoviča. 

Pavialičyć

Za 5 sotak ziamli razam z padmurkam pamieram 9ch9 i dazvołam na rekanstrukcyju prosiać 36 tysiač dalaraŭ. Sama ziamla znachodzicca ŭ pryvatnaj ułasnaści, što byvaje davoli redka. U abjavie paznačana, što ŭčastak u zakinutym stanie, a prodaž — terminovy.

Čytacie taksama:

Ekśpierty rynku nieruchomaści nazvali najlepšy čas dla kupli lecišča 

Voś jaki dom na Naračy pradali za paŭmiljona dalaraŭ

• 2
• 0
• 2
• 4
• 2
• 1
• 5
• 0