Premjer Polščy zajaviŭ, što Varšava bolš nie pieradaje zbroju Ukrainie, bo ŭzbrojvajecca sama
Premjer-ministr Polščy Matevuš Maraviecki raskazaŭ, što ciapier jaho kraina nie pieradaje zbroju Ukrainie, tamu što zaniataja ŭzbrajeńniem ułasnaj armii. Takuju zajavu jon zrabiŭ u intervju telekanału Polsat, piša «Mieduza».
![](http://d3kcf2pe5t7rrb.cloudfront.net/img/w840d4webp1/photos/z_2023_09/-ibf5o.jpg.webp)
«Ukraina abaraniajecca ad žorstkaha napadu Rasii, i ja razumieju hetuju situacyju, ale, jak ja ŭžo skazaŭ, my abaronim našu krainu. My bolš nie pieradajom zbroju Ukrainie, tamu što my ciapier uzbrojvajem Polšču», — skazaŭ Maraviecki.
Zajava Maravieckaha pryciahnuła šyrokuju ŭvahu ŚMI na fonie roznahałośsia Kijeva i Varšavy nakont ekspartu ŭkrainskaha zbožža.
Maraviecki taksama padkreśliŭ, što chab u horadzie Žešaŭ, praź jaki va Ukrainu pierapraŭlajecca ŭzbrajeńnie z ZŠA i inšych krain NATA, «uvieś čas vykonvaje tuju ž rolu, što i vykonvaŭ, i budzie vykonvać».
Polšča z pačatku poŭnamaštabnaha ŭvarvańnia Rasii va Ukrainu akazała Kijevu vajskovuju dapamohu na sumu bolš za try miljardy jeŭra. Hetyja pastaŭki ŭklučali bojeprypasy, braniavanuju i ciažkuju techniku, a taksama savieckija źniščalniki.
Kamientary
Snačała pośle chamskoho poviedienija na vilniusskom sammitie s nim pieriestali vstriečaťsia priezidienty.
Potom načał chamiť Polšie i zanimaťsia niezakonnoj riealizacijej sielchozprodukcii na tierritorii Polši vmiesto jejo tranzitnoho pierievoza. A potom jeŝio s tribuny OON načał obviniať Polšu.
Vanhuju, čto tiepieŕ s ekranov zielonoho jedinoho tiele-marafona načnut ukrainskije boty polivať Polšu i polakov.