U Hrodnie pieradumali rabić «rasijski» kvartał. U honar kaho vulicy prapanujuć nazvać ciapier?
U mai na hramadskaje abmierkavańnie vynosili nazvy 11 novych vulic u Hrodnie. Dziesiać z adzinaccaci znachodzicca ŭ mikrarajonie indyvidualnaj zabudovy «Baranavičy-11». Vulicy ŭ novym mikrarajonie płanavali nazvać u honar haradoŭ-pabracimaŭ. Pryčym 9 z 10 haradoŭ byli rasijskimi. Ale vyhladaje, što ŭłady adraklisia idei stvaryć «čysta ruski kvartał».
Vulicy ŭ novym mikrarajonie raniej prapanoŭvali nazvać tak:
Vałahodskaja, zavułak Vałahodski, Habalinskaja, zavułak Habalinski, Kalininhradskaja, Tamboŭskaja, Tuapsinskaja, Uchcinskaja, zavułak Uchcinski, Chimkinskaja. Tolki adzin z 10 haradoŭ znachodzicca ŭ Azierbajdžanie, a ŭsie astatnija — u RF.
Ciapier pytańnie nazyvańnia novych vulic znoŭ vynieśli na hramadskaje abmierkavańnie.
Voś ich śpis: vulica Viktara Jurtava, vulica Filipa Staravojtava, pieršy zavułak Filipa Staravojtava, vulica Siarhieja Lisanava, pieršy zavułak Ryhora Abialeŭskaha, pieršy zavułak Viktara Jurtava, druhi zavułak Ryhora Abialeŭskaha, druhi zavułak Viktara Jurtava, vulica Mikałaja Padhurskaha, vulica Ryhora Abialeŭskaha.
Chto ŭsie hetyja ludzi?
Telehram-kanał Urban Hrodna apublikavaŭ infarmacyju, kim byli tyja ludzi, u čyj honar chočuć nazvać vulicy ŭ novym kvartale. Usie jany źviazany z Harodniaj.
Viktar Jurtaŭ (1946—1980) — kapitan milicyi, staršy inśpiektar kryminalnaha vyšuku UUS Hrodna, zahinuŭ na afhanskaj vajnie Savieckaha Sajuza.
Filip Staravojtaŭ (1905-1977) — vajskovy lotčyk-šturmavik, pałkoŭnik, udzielnik pavietranych bajoŭ u rajonie Hrodna i vobłaści ŭ čas Druhoj suśvietnaj. Taksama vajavaŭ u hramadzianskaj vajnie ŭ Ispanii na baku levaha ŭrada i ŭ saviecka-finskaj vajnie, kali Saviecki Sajuz sprabavaŭ zachapić hetuju dziaržavu. Hanarovy hramadzianin Hrodna.
Siarhiej Lisanaŭ (1967—1987) — siaržant, staršy strałok desantna-šturmavoj hrupy pahraničnych vojsk, zahinuŭ na afhanskaj vajnie Savieckaha Sajuza.
Ryhor Abialeŭski (1925—2023) — pałkoŭnik pahraničnych vojskaŭ u adstaŭcy, hanarovy pahraničnik Respubliki Biełaruś, vieteran vajny. Hanarovy hramadzianin Hrodna.
Mikałaj Padhurski — lejtenant, abaronca Hrodzienskaj krepaści ŭ čas Druhoj suśvietnaj, apošni abaronca forta №1. Zastreliŭsia, kab nie trapić u nacyscki pałon.
Vykazać svajo mierkavańnie možna da 9 kastryčnika, nakiravaŭšy list pa adrasie: 230023, h. Hrodna, pł. Lenina, 2/1 (z paznakaj «vyvučeńnie mierkavańniaŭ hramadzian pa pytańni najmieńnia elemientaŭ vulična-darožnaj sietki») abo na elektronnuju poštu Hrodzienskaha harsavieta deputataŭ [email protected]
Čytajcie taksama:
Hrodna, Biełastok, Koŭna. Jak adroźnivajecca žyćcio ŭ troch blizkich haradach rehijona
Čym zapomniŭsia były hrodzienski mer, jakoha ckavali ŭ telehram-kanałach łukašysty
-
U žodzinskaj paliklinicy abviarhajuć, što ŭ ich u rehistratury pamior mužčyna
-
Biełarus, jaki haładaŭ u Kłajpiedzie z-za niemahčymaści vyvieźci aŭtamabil, ciapier pratestuje za akijanam
-
U Hrodnie ŭvadnačas zakryli pałovu kijoskaŭ, dzie možna nabyć kvitki na hramadski transpart. U aŭtaparku prablemy nie bačać
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary