Biełarus Šepieleŭ, jaki niadaŭna staŭ viadoŭcam prahramy na «Rośsija 1», naviedaŭ Maryupal. Raniej jon vybačaŭsia pierad ukraincami
Biełarus Dźmitryj Šepieleŭ, jaki zrabiŭ televizijnuju karjeru ŭ Rasii, naviedaŭ źniščany rasijskimi vojskami i akupavany Rasijaj Maryupal, zaŭvažyła «Radyjo Svaboda». Niahledziačy na toje, što paśla pačatku poŭnamaštabnaha ŭvarvańnia Rasii va Ukrainu jon asudžaŭ rasijskuju ahresiju i prasiŭ prabačeńnia va ŭkraincaŭ.
Niekalki dzion tamu Šepieleŭ paviedamiŭ u svaich sacsietkach, što jaho zaprasili vieści šou dla ŭsioj siamji «U kole siabroŭ» na telekanale «Rośsija 1». Pieradača pryśviečanaja žyviołam.
«Rychtujučysia da prahramy, ja pahladzieŭ vialikuju kolkaść materyjału, pryśviečanaha žyviołam, daviedaŭsia, što tut niepadalok jość vielmi vialiki prytułak, u jakim sabrany svojskija žyvioły, u pieršuju čarhu sabaki, jakija zastalisia ŭ suviazi z vajennymi dziejańniami biez haspadaroŭ», — skazaŭ Šepieleŭ u efiry kanała, stojačy na fonie źniščanaha horada.
Jak havorycca ŭ anonsie, adna z historyj z Maryupala budzie pakazanaja ŭ šou Šepieleva.
U dzień pačatku poŭnamaštabnaj vajny Rasii va Ukrainie Šepieleŭ napisaŭ u svaich sacsietkach:
«Mnie asabliva strašna, što ja ciapier advioz syna ŭ škołu, a maje siabry ŭ Kijevie i inšych ukrainskich haradach iduć u bambaschovišča. Mnie vielmi soramna. Mnie vielmi baluča. I ŭ mianie niama słoŭ. Prabačcie, siabry-ŭkraincy, prabačcie. Tolki takoje nie prabačajuć».
U kastryčniku 2020 hoda jon asudziŭ žorstkaść siłavikoŭ suprać mirnych demanstrantaŭ u Biełarusi.
«Jany płaciać hetuju canu za novaje žyćcio ŭ novaj krainie, u Biełarusi, jakuju jany zasłuhoŭvajuć, svabodnaj ad strachu i dyktatury. I jany pavinny pieramahčy. Ja chaču vas padtrymać. Ja vielmi hanarusia vami. Žyvie Biełaruś!» — napisaŭ Šepieleŭ.
Čytajcie taksama:
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
«Daravać takoje nam niemahčyma». Viadomyja ludzi Rasii pra napad Rasii na Ukrainu
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary