Novy siezon dyktuje svaje modnyja praviły. Hetym letam na piku papularnaści buduć minimalistyčnyja kupalniki, asimietryja i zaviazki, a taksama kłasičnyja retra-madeli, jakija padkreślać žanockaść i stvorać šykoŭny vintažny vobraz. Da jakich jašče trendaŭ varta pryhledziecca, daviedajemsia z pakazaŭ Tydnia plažnaj mody ŭ Majami.
Upłyŭ Uschodu
Dziaŭčatam z adčuvalnaj skuraj pašancavała: upłyŭ arabskaj kultury dajšoŭ i da plažnaj mody. Tak, u asartymiencie modnych damoŭ źjavilisia zakrytyja kupalniki z doŭhimi rukavami. Zakrytyja kupalniki i raniej sustrakalisia na Zachadzie, ale vyklučna jak varyjant spartyŭnaha adzieńnia sierfinhistak. Abhareć u takim praktyčna niemahčyma, a inavacyjnyja raspracoŭki robiać tkaninu kamfortnaj dla našeńnia navat u mocnuju śpioku.
Zaviazki
Šmatlikija šnuroŭki i zaviazki — adzin ź piskaŭ plažnaha siezona 2023/2024. Takija kupalniki hladziacca efiektna, praŭda, jany nie padyduć dla pryjomu soniečnych vannaŭ: zahar «u pałosku» ŭ modu jašče nie ŭvajšoŭ. Zrešty, taki kupalnik vydatna padydzie dla fotasiesij la mora ci sustrečy zachadu sonca na bierazie.
Retra
Kupalniki ŭ styli 50-ch nie hublajuć svajoj aktualnaści. Ale, u adroźnieńnie ad minułych siezonaŭ, ciapierašnija stali bolš adkrytymi i seksualnymi. U novych madelach my bačym hłybiejšaje dekalte, bahaćcie detalaŭ i jarkija prynty, na jakija niemahčyma nie źviarnuć uvahi.
Bializnavy styl
Zabylisia pra kupalnik doma? Nie zasmučajciesia: siońnia dla plaža padydzie zvyčajny kamplekt bializny, bo modniki ŭsio adno nie zaŭvažać roźnicy. Reč u adnym z novych trendaŭ: kupalny kaścium adroźnivajecca ad kamplekta nižniaj bializny chiba što składam tkaniny.
Manachrom
Amatary minimalizmu taksama znojduć dla siabie šmat cikavaha ŭ novych tendencyjach. Tak, samymi modnymi madelami hetaha siezona stanuć prostyja pa dyzajnie kupalniki biełaha, čornaha i bežavaha koleraŭ. Asablivuju ŭvahu varta nadać apošniamu varyjantu: čym bližej adcieńnie bežavaha koleru budzie supadać z adcieńniem vašaj skury, tym lepš. Efiekt «hołaha cieła» asabliva aktualny hetym letam.
Vałany i rušy
Elemienty etničnaha mieksikanskaha kaściuma charakternyja dla topavych madelaŭ kupalnikaŭ leta 2023/2024. Vializnyja vałany na adnym plačy, bujnyja ružy i jarkija kvietkavyja prynty — voś što sioleta buduć vybirać modnicy. Kali spyniać vybar na hetym trendzie, važna nie pierabrać — usie astatnija elemienty vašaha ŭboru (torba, parea i abutak) pavinny być maksimalna prostymi.
Asimietryja
Jašče adzin chit hetaha leta — asimietryčnyja kupalniki. U takim dziorzki i seksualny vobraz vam harantavany. Darečy, hetuju madel rekamiendujuć nasić i pa-za miežami plaža: zamiest topa — z džynsami ź nizkaj pasadkaj ci doŭhimi spadnicami.
Bocha
Prymieryć na siabie vajb siamidziasiatych dazvolić bocha-trend — kupalniki ŭ styli chipi zastajucca ŭ modzie jaki siezon zapar. Tak što, kali vy fanat vyšyŭki, machroŭ abo znaročystaj nieachajnaści, źviarnicie ŭvahu na jaho i dadajcie svajmu vobrazu duch svabody i viesiałości.
Darečy, hałoŭnym trendam hetaha siezona staŭ bodypazityŭ i pryniaćcie narmalnaha žanočaha cieła. Tamu možna zabycca pra ciažkija treniroŭki, maskiroŭku raściažak abo niaroŭnaściaŭ skury — i prosta adpačyć, atrymlivajučy asałodu ad vydatnaha śpiakotnaha leta.
Brat udavy Zielcara: Kadebisty išli ŭ kvateru pa mianie10
Kamientary
Kakije kupalniki?!