Rasija nie budzie pieradavać Biełarusi kantrol nad jadziernaj zbrojaj — MZS
Raźmiaščeńnie rasijskaj taktyčnaj jadziernaj zbroi na terytoryi Biełarusi nie parušaje damovu ab nieraspaŭsiudžvańni jadziernaj zbroi (DNIAZ), a Maskva nie pieradaje Minsku kantrol nad joj.
Pra heta zajaviŭ namieśnik kiraŭnika MZS RF Siarhiej Rabkoŭ u intervju TASS da 55-hodździa padpisańnia Damovy ab nieraspaŭsiudžvańni jadziernaj zbroi.
«Kroki, pryniatyja nami ŭ ramkach adzinaj abaronnaj prastory Sajuznaj dziaržavy, nosiać vymušany charaktar. Pry hetym jany nie vychodziać za ramki našych mižnarodnych abaviazacielstvaŭ, u tym liku pa DNIAZ. Nieabchodna čarhovym razam padkreślić: kantrol nad rasijskaj jadziernaj zbrojaj nie pieradajecca», — adznačyŭ namieśnik ministra.
Jon dadaŭ, što krytyka raźmiaščeńnia jadziernaj zbroi RF u Biełarusi ŭ pieravažnaj bolšaści vypadkaŭ danosicca z zachodnich stalic i «nie moža nie vyklikać ździŭleńnia».
Raniej Uładzimir Pucin i Alaksandr Łukašenka zajavili, što jadziernuju zbroju častkova dastavili na terytoryju našaj krainy.
U toj ža čas ni manitorynhavaja hrupa «Biełaruski Hajun», ni raźviedki inšych krain, prynamsi Ukrainy, nie zaŭvažyli ruchu jadziernaj zbroi pa terytoryi Biełarusi.
Raniej u Biełaruś užo byli adpraŭlenyja srodki supraćrakietnaj abarony S-400. Pra heta paviedamiła Minabarony Biełarusi. Ešałon z ZRK prybyŭ na terytoryju 25-ha arsienała rakietna-artyleryjskaha ŭzbrajeńnia (v/č 25819) pad Stoŭbcami.
«Kali ty nie ŭ hetym śpisie, to budzieš u druhim». Jak u Biełarusi źbirajuć podpisy za Łukašenku2
Kamientary
Vied́ vahnieru zabrať jadiernuju jełdu, kotoruju viezut, zavieźli, budut viezti iz Rośsii v Biełaruś, pod svoj kontrol nie sostavit bolšoho truda.