«Dynamika pałochaje». U Biełarusi ŭstryvožylisia ekspansijaj kitajcaŭ na aŭtamabilny rynak
U Minsku zaniepakojenyja rostam doli kitajskich brendaŭ na biełaruskim i rasijskim rynkach aŭtamabilaŭ i hruzavoj techniki. Pieršy namieśnik premjer-ministra Biełarusi Mikałaj Snapkoŭ, vystupajučy na forumie ŭ Pieciarburhu, zaklikaŭ padtrymać miascovych vytvorcaŭ i ŭvieści ŭ dačynieńni da kitajskich kampanij antydempinhavyja miery, pra heta piša Office Life.
Biełaruś maje namier inicyjavać usie mahčymyja miechanizmy dla abarony svaich vytvorcaŭ: ad pavyšeńnia impartnych pošlin da antydempinhavych i «śpiecabaronnych» mier.
Pavodle słoŭ biełaruskaha vice-premjera, rynak stračvajuć jak biełaruskija, tak i rasijskija vytvorcy. Naprykład, MAZ za pieršy kvartał 2023 hoda źmienšyŭ svaju prysutnaść na rasijskim rynku z 8,9 da 3,5%, a KamAZ — z 38 da 17%.
«Dynamika pałochaje. Za try miesiacy 2022 hoda dola brendaŭ u siehmiencie hruzavoj techniki z Kitaja ŭ Rasiju składała ŭsiaho 9,5%, a za try miesiacy 2023 hoda — pavialičyłasia amal da 58%», — zajaviŭ Snapkoŭ.
Jon zaŭvažyŭ, što zbolšaha kitajskija kampanii prychodziać u Biełaruś i Rasiju praz vakuum, źviazany sa źniknieńniem zachodnich brendaŭ, ale pry hetym
navat biez prefierencyjnych taryfaŭ ich ceny na elektrobusy, traktary i pahruzčyki ŭ 2-3 razy nižejšyja, čym u rasijskich i biełaruskich vytvorcaŭ.
U Biełarusi dola kitajskich aŭtamabilaŭ na rynku novych lehkavych aŭtamabilaŭ aceńvajecca ŭžo prykładna ŭ 80%. U Rasii kolkaść kitajskich aŭtadyleraŭ jašče letaś pieravysiła rasijskija ŭ 1,5 razu.
Hienieralny dyrektar kampanii «BiełDžy» Hienadź Śvidzierski raniej adznačaŭ, što praz najaŭnaść u Kitai ŭłasnych vytvorčaściaŭ zapčastak kankuravać ź imi pa canie vielmi składana navat z ulikam vydatkaŭ na dastaŭku.
U Minsku zatrymali partnioraŭ Maziepina pa «Urałkalii», adnych z samych bahatych biełarusaŭ Rasii2
Kamientary