U archivie znajšli dakumienty, datyčnyja vučoby Maksima Bahdanoviča
U śpiecyjalizavanaj fejsbuk-supołcy «Maksim pieradusim» vystavili kopii dakumientaŭ, znojdzienyja ŭ Centralnym dziaržaŭnym archivie Maskvy.
![](http://d3kcf2pe5t7rrb.cloudfront.net/img/w732d4webp1/photos/z_2023_06/351522901_1674685846319386_1086379719735134797_n-bbxd5.jpg.webp)
U fondzie 459, vopisie 3, spravie 6223 hetaha archiva zachoŭvajucca dakumienty Jarasłaŭskaj mužčynskaj himnazii, dzie vučyŭsia Maksim Bahdanovič. U 1911 hodzie jon zdavaŭ ekzamieny, kab atrymać atestat stałaści, i pra jaho ŭ śpisie asob, jakija vykazali žadańnie ich prajści, taksama jość zhadka. «Siaredni bał atestata Maksima Bahdanoviča — 3,6666666…» — adznačaje supracoŭnica Litaraturnaha muzieja Maksima Bahdanoviča.
![](http://d3kcf2pe5t7rrb.cloudfront.net/img/w732d4webp1/photos/z_2023_06/352122032_6653768141299990_7391880434882026426_n-9ojs6.jpg.webp)
U dakumiencie adnosna Bahdanoviča paznačany nastupnyja fakty:
data naradžeńnia — 27 listapada 1891 hoda,
miesca naradžeńnia — Minsk,
vieravyznańnie — pravasłaŭnaje,
syn kaležskaha asesara,
pavodziny — vydatnyja,
dapuščany da ekzamienaŭ,
piśmovyja ispyty i adznaki: ruskaja mova z carkoŭnasłavianskaj i słaviesnaść (5), matematyka (3),
vusnyja ispyty: zakon Božy (3), ruskaja mova z carkoŭnasłavianskaj i słaviesnaść (5), łacinskaja mova (4), matematyka (3), historyja (4), niamieckaja mova (3), francuzskaja mova (4).
![](http://d3kcf2pe5t7rrb.cloudfront.net/img/w732d4webp1/photos/z_2023_06/352524059_6064350240330860_4691224041702542124_n-rry9b.jpg.webp)
Akramia taho, u supołcy vystavili i ŭzory zadač, jakija davodziłasia razam ź inšymi navučencami rašać maładomu Maksimu pa ałhiebry, aryfmietycy i hieamietryi.
![](http://d3kcf2pe5t7rrb.cloudfront.net/img/w732d4webp1/photos/z_2023_06/352822599_6064350013664216_3355603199083872062_n-cnvz9.jpg.webp)
Vykładčyk vyšejšaj matematyki BDU na prośbu muziejnaj supracoŭnicy acaniŭ składanaść hetych zadač nastupnym čynam:
«Pra binom i sumu hieamietryčnaj prahresii my siońnia havorym tolki na pieršym kursie. Ale ŭ cełym pieršaja zadača nie śmiarotnaja. Zadača pa aryfmietycy narmalnaja pa tych časach, ale siońnia naŭrad ci mnohija raźličać, jak atrymać 15% prybytku. Stereamietryja była žachlivaj zaŭsiody i zastaniecca takoj u budučyni».
![](http://d3kcf2pe5t7rrb.cloudfront.net/img/w732d4webp1/photos/z_2023_06/353045823_6064350023664215_2876412659291711712_n-qpr66.jpg.webp)
Maksim Bahdanovič z hetymi zadačami spraŭlaŭsia, ale nielha skazać, što jany jamu lohka davalisia.
«Darečy, pa matematycy Maksim atrymaŭ 3 bały (u adroźnieńnie ad małodšaha brata Lva, u jakoha pośpiechi ŭ matematycy navat adznačanyja ŭ atestacie stałaści)», — adznačaje supracoŭnica muzieja.
Kamientary