Jeŭrapiejskaja intehracyja Ukrainy i Małdovy pryviadzie da ŭstupleńnia abiedźviuch dziaržaŭ u ES, pierakanany prezident Zialenski. Pra heta jon zajaviŭ žurnalistam u Małdovie paśla dvuchbakovych pieramoŭ z małdaŭskaj kalehaj Majaj Sandu na palach samitu Jeŭrapiejskaj palityčnaj supolnaści, piša «Ukrainskaja praŭda».
![](http://d3kcf2pe5t7rrb.cloudfront.net/img/w840d4webp1/photos/z_2023_06/zel230601-lvf9v.jpg.webp)
Zialenski padziakavaŭ Sandu za padtrymku ŭkrainskich uciekačoŭ i Ukrainy. «My razam, plačo ŭ plačo… I što važna, naša budučynia — u Jeŭrasajuzie», — padkreśliŭ jon.
«My havaryli pra našu jeŭrapiejskuju budučyniu. Ukraina siońnia harantuje biaśpieku Małdovy, i my vielmi-vielmi ŭdziačnyja za heta», — dadała Maja Sandu. Jana taksama padtrymała tak zvanuju «formułu miru» va ŭkrainskim bačańni.
Zialenski padkreśliŭ, što Ukraina taksama imkniecca da ŭstupleńnia ŭ NATO.
Na samicie Jeŭrapiejskaj palityčnaj supolnaści, jaki projdzie ŭ «Mimi» pad Kišyniovam, buduć abmiarkoŭvać supolnyja namahańni dziela miru ŭ kantekście vajny va Ukrainie i źviazanyja ź joj kryzisy, abaronu demakratyi, umacavańnie enierhietyčnaj biaśpieki i ŭstojlivaść jeŭrapiejskich dziaržaŭ.
Kamientary