U vyniku ataki ŭ Biełharodskaj vobłaści paranienyja 12 čałaviek, žychary 9 nasielenych punktaŭ «adsielenyja» — hubiernatar
Śviatło adsutničaje ŭ 14 nasielenych punktach.
U Biełharadskaj vobłaści paśla ataki dyviersantaŭ paranienyja prynamsi 12 čałaviek; «faktyčna adsielenyja» žychary dzieviaci nasielenych punktaŭ, uklučajučy horad Hrajvaran, paviedamiŭ hubiernatar rehijona Viačasłaŭ Hładkoŭ.
«Nasielenyja punkty Hrajvaranskaj haradskoj akruhi akazalisia pad minamiotnym i artyleryjskim abstrełam, a taksama padvierhlisia napadam dronaŭ. Paranienyja 12 mirnych žycharoŭ, paškodžanyja 29 pryvatnych žyłych damoŭ i try mašyny. Śviatło adsutničaje ŭ 14 nasielenych punktach», — napisaŭ Hładkoŭ u svaim telehram-kanale.
Akramia taho, pavodle jaho słoŭ, Biełharadski rajon za paniadziełak byŭ abstralany 15 razoŭ, Šabiekinskaja haradskaja akruha była abstralanaja 25 razoŭ. U Šabiekina, u pryvatnaści, byli zafiksavanyja dva abstreły ź minamiota pa pamiežnym punkcie propusku.
«Začystka terytoryi ad nastupstvaŭ praciahvajecca», — zajaviŭ hubiernatar.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary