Ministr zamiežnych spraŭ Estonii napisaŭ adkryty list Viktaru Babaryku
U dzień, abvieščany pravaabaroncami Dniom salidarnaści ź biełaruskimi palitviaźniami, Ministr zamiežnych spraŭ Estonii Marhus Tsachkna apublikavaŭ adkryty list da Viktara Babaryki.
As I wrote in a letter to @viktar_babaryka, he is an inspiration for the #Belarus people.
#Estonia supports the democratic aspirations of the Belarusian people & stands for the unconditional & immediate release of all political prisoners.#FreeThemAll pic.twitter.com/TSlynfCmN2
«Vystaŭlajučy svaju kandydaturu na pasadu prezidenta, vy ŭśviedamlali ryzyki, ale ŭsio roŭna pajšli na ich. Vy chacieli dla svajoj krainy palityčnaha pluralizmu, jaki źjaŭlajecca pieradumovaj dla demakratyi, pravoŭ čałavieka i asnoŭnych svabod. Vy byli i zastajaciesia natchnialnikam dla biełarusaŭ, jakija žadajuć svabodnych vybaraŭ, ale zamiest hetaha atrymlivajuć kryvavyja represii.
Chaču vas zapeŭnić — śviet nie zabyŭsia pra palitviaźniaŭ Biełarusi. My hłyboka zaniepakojenyja vašym zdaroŭjem i dabrabytam, žadajem usim vam, chto ciarpić žorstkija katavańni ŭ rukach bajaźlivaha režymu, siły i dušeŭnaha spakoju.
Pierakanany, što nieŭzabavie demakratyja pieramoža i hieroi pojduć na volu budavać Biełaruś u jeŭrapiejskaj siamji. My z vami!» — napisaŭ jon.
Miesiac tamu stała viadoma, što Viktar Babaryka byŭ špitalizavany ŭ balnicu ŭ noč z 24 na 25 krasavika. Dalejšaje miescaznachodžańnie palitviaźnia nieviadomaje. Ni rodnyja, ni advakat nie bačyli jaho.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary