Kamandujučy ŭkrainskimi vojskami acaniŭ kolkaść rasijskich vajskoŭcaŭ u Biełarusi
Jakaja zaraz situacyja kala paŭnočnych miežaŭ Ukrainy, spytali žurnalisty «Ukrinfarm» kamandujučaha Abjadnanymi siłami Uzbrojenych sił Ukrainy Siarhieja Najeva.
Pavodle jaho, rasijski kantynhient rehijanalnaj hrupoŭki vojskaŭ u Biełarusi naličvaje kala 2,8 tysiačy čałaviek.
Ahułam, pa słovach Najeva, dla «dziejańniaŭ na paŭnočnym napramku supiernik pryciahvaje dźvie hrupoŭki prykryćcia dziaržaŭnaj miažy, jakija dysłakujucca ŭ paŭdniovaj častcy Biełarusi, a taksama ŭ Branskaj i Kurskaj abłaściach Rasii, ahulnaj kolkaściu kala 17 tysiač čałaviek».
Siarhiej Najeŭ taksama zaznačyŭ, što letaki i viertaloty Pavietrana-kaśmičnych sił RF «dysłakujucca na biełaruskich vajskovych aeradromach».
Jon padkreśliŭ, što situacyju ŭ hetym rajonie kantralujuć ukrainskija siły abarony, ale Rasija praciahvaje «sistematyčna bić pa pamiežnych rajonach Sumskaj i Čarnihaŭskaj abłaściej z artyleryi, viadzie pavietranuju vyviedku z metaj naniasieńnia ahniavoha paražeńnia abjektaŭ krytyčnaj hramadzianskaj infrastruktury i vykryćcia ŭkrainskaj sistemy SPA».
Najeŭ zajaviŭ, što ŭkraincy praciahvajuć uzmacniać Paŭnočnuju hrupoŭku vojskaŭ, rychtavać reziervy. «My adsočvajem situacyju, pieraŭzbrojvajemsia na bolš sučasnyja zamiežnyja ŭzory, udaskanalvajem pastajannyja ŭmacavańni, pavialičvajem ščylnaść miniravańnia terytoryi pamiežnych pałos, navučajem ludziej», — skazaŭ jon.
U lutym 2023 hoda Alaksandr Łukašenka havaryŭ, što ŭ Biełarusi bolš za 10 tysiač rasijskich vajskoŭcaŭ. «Ja pastajanna… trymaju paŭtara dziasiatka tysiač rasijan tut, ja ich rychtuju… Bolš za dziesiać tysiač čałaviek… Piermanientna», — skazaŭ Łukašenka.
-
U Rasii salistku vajskovaha arkiestra aštrafavali na $30 tysiač za sprobu dakazać kaleham, što va Ukrainie hinuć hramadzianskija
-
U noč na čaćvier Hrozny padvierhnuŭsia napadu bieśpiłotnikaŭ
-
«Rasija nikoli nie spynicca — jaje možna tolki rabić słaboj». Vialikaja hutarka z kamandziram kalinoŭcaŭ Paŭłam Šurmiejem
Kamientary