U siamji Juškievič ź Lidy troje dačušak. Małodšaj, Rycie, u śniežni 2021 hoda daktary pastavili strašny dyjahnaz — śpinalna-myšačnaja atrafija 2-ha typu. Kab pieramahčy chvarobu, dziaŭčyncy patrebny ŭsiaho adzin ukoł, ale jon kaštuje amal dva miljony dalaraŭ.
Uśmiešlivaj Rycie nieŭzabavie spoŭnicca try hadki. Za svajo karotkaje žyćcio jana paśpieła pieražyć šmat vyprabavańniaŭ. Kali dziaŭčyncy spoŭniłasia 2,5 miesiaca, mama zaŭvažyła niesimietryčnyja składki na jaje ciele. U 4 miesiacy malečy nakłali hips ad ščykałatki da hrudziej. Ź im jana pražyła paŭtara miesiaca. Potym jašče 4,5 miesiaca z šynaj. Paśla jaje źniaćcia Ryta pačała niaŭpeŭniena poŭzać. Dumali, što chutka ŭsio naładzicca. Adnak nieŭzabavie dziaŭčynka pierastała navat poŭzać. Paśla pieraniesienaha karanavirusa jaje ekstranna nakiravali ŭ RNPC «Maci i dzicia». Tam joj pastavili dyjahnaz SMA.
Siońnia Rycie terminova patrebna dapamoha, bo kožny dzień tysiačy niejronaŭ hinuć u ciele dziaŭčynki z-za niedachopu białku, pazbaŭlajučy jaje myšcy tonusu i mahčymaści narmalna raźvivacca. Kab vyratavać Rytačcy žyćcio, patrebny ŭsiaho adzin ukoł Zolgensma (Zołhiensma). Jon zamienić niepracoŭny hien na rabočy. Jaho dastatkova ŭvieści ŭsiaho adzin raz! Paśla hetaha spatrebicca tolki reabilitacyja, kab adnavić raniej stračanyja myšačnyja funkcyi. Cana preparata — 1 819 000 dalaraŭ. Zbor hrošaj idzie ŭžo bolš za hod, ale sabrana 10 pracentaŭ ź nievialikim. Tym nie mienš baćki Ryty nie apuskajuć ruki, vierać, što zmohuć znajści nieabchodnuju sumu, tym samym padaryŭšy dačušcy šanc na žyćcio.
«Heta suma niepadjomnaja dla našaj šmatdzietnaj siamji, — sa ślazami na vačach kaža mama Ryty Śviatłana Juškievič. — Tamu my vymušany stukać va ŭsie dźviery z nadziejaj, što niechta adčynić ich nam i našaj biadzie. My budziem udziačny za lubuju pasilnuju dapamohu: chtości moža dapamahčy rublom, a chtości — raskazać pra nas inšym. Lubaja vaša padtrymka dapamoža nam zrabić ryvok da zakryćcia zboru na preparat Zolgensma. Biez ukołu Ryta patuchaje. Joj navat ciažka trymać łyžku ŭ ruce… SMA pavolna i kavarna zabiraje jaje siły… Ale ŭsio heta možna jašče źmianić. U Ryty jość šanc stać zvyčajnym dziciom sa svaim «Ja mahu! Ja sama!» Ja vieru, što naša žyćciaradasnaja dziaŭčynka-SMAjlik abaviazkova budzie chadzić. Viedajecie, mianie časta pytajucca, dzie ja biaru siły. Usio prosta: ja hladžu na svaju mocnuju dačušku. Zazirnicie na našu staronku ŭ instahramie @rita_sma2 i padziviciesia, jak Ryta paśla reabilitacyi sama jechała na invalidnaj kalascy da mašyny. Stomlenaja, pavolna, ale sama!»
Dapamahčy maleńkaj Rycie moža kožny. Samy prosty sposab pieravieści hrošy — na mabilny numar MTS +375 (29) 264-06-46. Cudy zdarajucca tam, dzie ŭ ich vierać. A čaraŭnikom moža stać kožny.
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi6
Kamientary