Minskija ŭłady zabaranili pravodzić vielikodnyja słužby kala zakrytaha Čyrvonaha kaścioła
Ułady Minska adkazali admovaj na prośbu katalickaj parafii Śviatoha Symona i śviatoj Aleny dazvolić pravieści vielikodnyja słužby ŭ plabanii i na prylehłaj terytoryi Čyrvonaha kaścioła, zakrytaha ŭžo bolš za paŭhoda. Prośbu rascanili jak zajaŭku na masavaje mierapryjemstva.
«My źviartalisia da ŭładaŭ z prośbaj dazvolić Bohasłužeńni na Vielikodnyja ŭračystaści, adnak atrymali adkaz — nielha. Voś takoje «paschalnaje vinšavańnie». Praciahvajem dalej ź vieraju malicca ŭ intencyi viartańnia śviatyni viernikam i adnaŭleńni parafijalnaha žyćcia. A Chrystu, Jaki jość praŭdaj i spraviadlivaściu, daručajem usich, chto prymaje rašeńni», — havorycca ŭ paviedamleńni kaścielnaha kamiteta.
Tam adznačyli, što sioleta «Vielikodnyja śviaty dla našaj parafii asablivyja. Majem nahodu bližej dakranucca i pieražyć źniavahi, adkinutaść i bol našaha Zbaŭcy».
«Na vialiki žal, naša śviatynia da hetaha času začynienaja. Čyrvony kaścioł, jaki ŭ paschalnyja dni z malitvaj napaŭniali tysiačy viernikaŭ, ciapier pusty. Naš Zbaviciel, Jaki pryniaŭ strašennyja pakuty za ŭsich ludziej, imi ž — ludźmi — vyhnanyja sa śviatyni», — z horyčču adznačajuć vierniki.
Jak vynikaje z apublikavanaha adkazu Minharvykankama, prośbu ab vielikodnych słužbach kala kaścioła ŭłady rascanili jak zajaŭku na masavaje mierapryjemstva, dla praviadzieńnia jakoha treba zahadzia apłačvać pasłuhi milicyi, miedykaŭ i kamunalnikaŭ.
«Padadzienaja vami zajava nie adpaviadaje patrabavańniam zakona (…) Minharvykankam nie ŭzhadniaje praviadzieńnie zajaŭlenych masavych mierapryjemstvaŭ i paviedamlaje ab niedapuščalnaści parušeńnia zakanadaŭstva», — havorycca ŭ adkazie namieśnika staršyni Minharvykankama Arcioma Curana.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA9
Kamientary
Kataliki! Ludzi! Majcie samapavahu. Prasić biesaŭ ab čymści - heta tupikovy šlach. Addajcie budynak łukašu pad zachoŭvańnie bulby i paviedamlajcie ŭ Vatykan ab tym, što tut adbyvajecca. Bo ŭžo brydka nazirać stanovicca, jak vy idziecie ŭ chunty na pavadku.
- Dziakuj, mnie ŭžo dałažyli. Darečy, aryštujcie jaho za niesankcyjanavanaje ŭvaskrasieńnie.