Biełaruski mahazin «Da domu», asartymient tavaraŭ jakoj pavinien zamiaścić zamiežnyja brendy Zara Home i IKEA, płanujuć adkryć u Hroznym. Pra heta ŭ sieradu TASS paviedamiła staršynia kancerna «Biellehpram» Taćciana Łuhina.
«My chočam u Hroznym adkryć «Da domu». Siońnia praviali pieramovy z kiraŭnictvam «Hrozny-moł», jany skazali svaje ŭmovy, my svaje. Praličym biznes-płan i kali ŭsio projdzie, heta budzie pieršaja takaja biełaruskaja krama ŭ Rasii», — adznačyła Łuhina.
Pavodle jaje słoŭ, u Hroznym i prylehłych haradach Paŭnočnaha Kaŭkaza jość patencyjał, i biełaruski bok hatovy zachodzić praz vytvorčaść, a taksama asvojvać handlovuju sietku.
«Napraŭdu, jeŭrapiejskija brendy dosyć masavyja, stvaralisia dziesiacihodździami i adšyvalisia ŭ azijackich krainach. Taki abjom my čysta fizična nie zmožam zamianić, ale tym nie mienš, pa chatnim tekstyli realna zrabić jakasna, modna, dastupna. Što tyčycca adzieńnia, to ja dumaju častkova ŭ stanie biełaruski prom absalutna zamianić modnym i jakasnym adzieńniem», — adznačyła jana.
Kamientary