Źjaviłasia pieršaje ŭ śviecie radyjo, całkam zasnavanaje na štučnym intelekcie
«Niejrasietki ździajśniajuć revalucyju ŭ aŭdyjaindustryi».
Amierykanskaja kampanija Futuri ŭ lutym vypuściła na rynak beta-viersiju RadioGPT — pieršaje ŭ śviecie całkam aŭtanomnaje radyjo, dziejnaść jakoha ažyćciaŭlajecca adrazu niekalkimi niejrasietkami.
Heta radyjo spałučaje ŭ sabie technałohii ChatGPT treciaj viersii, štučny intelekt TopicPulse (niejrasietka z pahłyblenym analizam i šmatfarmatnaj hienieracyjaj roznaha kantentu), a taksama prasunutuju sistemu raspaznavańnia i prajhravańnia hołasu.
Siarod najaŭnych funkcyj RadioGPT užo moža pachvalicca:
- realistyčnymi hałasami štučnych viadučych, jakija vykarystoŭvajucca adnačasova ci paźmienna ŭ zaležnaści ad scenara (jaki taksama pišacca niejrasietkami ŭ režymie realnaha času);
- aktualnym analizam miascovaha rynku i znajomstvam sa śviežaj infarmacyjaj ab nadvorji, zatorach abo kursach valut;
- umieńniem rehularna vieści i maderavać Facebook, Instagram, Twitter i TikTok jak žyvy čałaviek ci miedyjaarhanizacyja;
- svoječasovym aznajamleńniem ź cikavaj infarmacyjaj z roznych sacsietak i z bolš za 250 tysiač krynic navin dla roznaj metavaj aŭdytoryi;
- dośviedam praviadzieńnia žyvych intervju z zaprošanymi haściami i ekśpiertami;
- mahčymaściu padčas efiru prymać vodhuki ad słuchačoŭ i publična ahučvać ich dumki albo ŭklučać zamoŭlenyja imi pieśni;
- praviadzieńniem padkastaŭ, viktaryn, konkursaŭ i rozyhryšaŭ z udziełam karystalnikaŭ;
- stvareńniem harmaničnych zabaŭlalnych i rekłamnych paŭz.
Pa zajavach raspracoŭščykaŭ, RadioGPT zmoža ŭdychnuć novaje žyćcio ŭ aŭdyjaindustryju i sfarmiravać ŚMI budučyni. Usie zacikaŭlenyja miedyjakampanii i jurydyčnyja asoby mohuć ź lohkaściu adaptavać jaho pad lubyja svaje patreby.
Štučnaje radyjo ŭžo dastupna dla prasłuchoŭvańnia pa hetaj spasyłcy, adnak jano pakul što padtrymlivaje tolki anhlijskuju movu.
Taksama ŭnizie možna pahladzieć rekłamny rolik ab RadioGPT i jaho mahčymaściach (videa całkam zroblena štučnym intelektam).
Čytajcie jašče:
Mašynnaje navučańnie paskaraje pošuki pazaziemnaha rozumu
Fienomien Midjourney: čamu hetaja niejrasietka stała miehapapularnaj i jak joj karystacca?
-
ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami
-
Ad braniravańnia pajezdak da ździajśnieńnia navukovych adkryćciaŭ. Nieŭzabavie moža źjavicca novaja madel štučnaha intelektu
-
Kitaj śćviardžaje, što stvaryŭ pieršyja ŭ śviecie drony z łaziernaj zbrojaj
Kamientary