Frantmien «Doktara Chausa»: Mužčyna lepš piša žarty, bo jon bolš pradukcyjny
Uradženiec horada Mahilova, frantmien kamandy KVK «Doktar Chaus», čempijon Vyšejšaj lihi Kłuba viasiołych i kiemlivych 2022 hoda Pavieł Małachaŭ vystupiŭ u adnym z vypuskaŭ šou «Priedielnik». U razmovie Pavieł, akramia pytańniaŭ pra svoj šlach u KVK, adkazaŭ na niekatoryja «pretenzii» z boku hledačoŭ, raspavioŭ pra słužbu ŭ biełaruskim vojsku i raskryŭ padrabiaznaści asabistaha žyćcia.
Adkul žarty pra Saviecki Sajuz u ludziej, jakija ŭ im nie žyli. Heta kanjunktura?
Małachaŭ padkreśliŭ, što nie pravilna «tapić» za Saviecki Sajuz. Na jaho pohlad, u Biełarusi z Rasijaj nie šmat historyi [chiba majecca na ŭvazie historyja pieryjadu niezaležnaści]. U Savieckim Sajuzie jość niešta supolnaje, na što možna abapiercisia, kab havaryć pra siońniašni čas. Jon niby klej, «adbojnik», jak toje, z čym možna paraŭnać. Spasyłacca na Saviecki Sajuz, na dumku Paŭła Małachava, «pravilna pa humary».
«Nielha iści ŭ KVK sa ściaham»
Ludzi, jakija zajmajucca humaram, pavinny spakojna žartavać i pra apazicyju, i pra dziejnuju ŭładu.
Pavieł zaŭvažaje: «Ty pavinien nacisnuć na ŭsio toje, što balić, što adbyvajecca. Kali ty budzieš za adno «tapić», a druhoje vyharodžvać, to atrymlivajecca prapahanda. My pakazvali na prablemy, na tyja, jakija my bačyli. Naša zadača jak humarystaŭ — adlustravać rečaisnaść, «dać dumku», zrabić niejki vyvad».
Ale nielha iści ŭ KVK sa ściaham. My pavinny adlustroŭvać toje, što adbyvajecca. Asabistyja pazicyi niachaj zastajucca za kulisami.
U kožnaha jość svajo mierkavańnie. Kali niechta choča «tapić» za niejkaha, kali heta sens jaho žyćcia, to jamu treba samomu prajści ŭsie etapy i dajści da Vyšejšaj lihi. I heta budzie jaho šlach.
U nas, jak u ludziej, jość svaje pytańni, svaje pretenzii, svaje simpatyi i niesimpatyi. Heta ŭsio z nami. Heta ŭsio asabistaje. Ale ŭ kamandnym paryvie my takich rečaŭ nie robim. Naša zadača adlustravać žyćcio. Hetaja fraza chiba najlepšym čynam apisvaje KVK.
[U kamandy byli žarty pra Łukašenku, i jaje zdymali z efiru ŭ Biełarusi.]
Vialiki dziakuj hienieralnamu dyrektaru «Biełaruśkalija»
Hienieralny dyrektar «Biełaruśkalija» ź ciažkaściu pahadziŭsia na padtrymku kamandy ŭ Vyšejšaj lizie KVK, ale ŭ dalejšym strymaŭ usie svaje słovy, što «vialikaja redkaść dla takich ludziej». Jon zaŭsiody padtrymlivaŭ kamandu, byŭ na dźviuch finalnych hulniach.
Što takoje biełaruskaje vojska?
Biełaruskaje vojska — Uzbrojenyja siły Respubliki Biełaruś. Heta pieršaje, što Pavieł pačuŭ, patrapiŭšy na słužbu. Druhoje, što jon pačuŭ, — «Čeść u vojsku nie addajuć. Addajuć voinskaje vitańnie».
Pavieł nie chavaje, što taksama sutyknuŭsia ź dziedaŭščynaj, «kali bolš starejšyja vychoŭvajuć małodšych». Heta prajaŭlałasia ŭ tym, što kali, umoŭna, treba mieści vulicu, pojdzieš ty, a nie starejšy pa słužbie. U hetym prajaŭlajecca «lehalnaja» dziedaŭščyna. A «nielehalnaja» — heta fizičnaje pakarańnie. Naprykład, kali nie nabraŭ u bikłažku vady, ty možaš hetaj bikłažkaj atrymać. U vojsku naŭrad ci pabješsia z kim-niebudź, bo za ŭsim sočać. Adak jość sposaby pakarańnia bieź jaŭnych nastupstvaŭ. Naprykład, možna stuknuć pa takim miescy, dzie nie budzie bačna. Naprykład, «pa faniery».
Vajskovaja śpiecyjalnaść u Paŭła — «rakietčyk taktyčnaha kompleksu «Točka-U». Voinskaje zvańnie — radavy. «Ja nie chacieŭ na siabie brać nijakaj adkaznaści ŭ vojsku za ludziej. Vojska — heta taksama svoj kalektyŭ», — zaŭvažyŭ mužčyna.
Jak adbyvaŭ haŭptvachtu
Za mabilny telefon, jakija ŭ čas słužby Paŭła byli zabaronieny ŭ vojsku, jamu daviałosia adsiedzieć siem dzion na haŭptvachcie. Byŭ finał Biełaruskaj lihi KVK, i jon aktyŭna kamunikavaŭ z hulcami. Aficer jaho za hetym zaŭvažyŭ. Na haŭptvachcie Pavieł, pa jaho słovach, bolš adpačyŭ, bo byŭ nakiravany na pracu ŭ vajskovy špital. Tam sałdaty «zajmalisia ŭsiakim hłupstvam. Spali. Jeli ŭvolu».
Chacia na haŭptvachcie «stvarajuć takuju iluziju, što ty byccam źniavoleny». Pakarańnie prajaŭlajecca ŭ tym, što dzionnaja norma charčavańnia źmienšana napałovu. Taksama son źmienšany na dźvie hadziny. Lohkaść adbyvańnia pakarańnia ŭ vypadku Paŭła była abumoŭlena niaznačnaj ciažkaściu parušeńnia vajskovaha statuta.
Paśla słužby Pavieł Małachaŭ hod adpracavaŭ na budoŭli stropalščykam za zarpłatu tysiaču dalaraŭ.
Nie abyšłosia i biez seksizmu
Pa mierkavańni Małachava, mužčyna lepš moža pisać žarty, bo jon bolš pradukcyjny, fizična bolš mocny, bolš psichična ŭstojlivy jak aŭtar. U žančyn-aŭtaraŭ, ź jakimi sutykaŭsia Pavieł, žarty śmiešnyja, cikavyja, «napisanyja pa-žanočamu».
Pavieł raspavioŭ pra svajo asabistaje žyćcio
Na praciahu adzinaccaci hadoŭ u jaho adna dziaŭčyna, ź jakoj chłopiec paznajomiŭsia ŭ KVK. Razam jany stali žyć tolki ŭ 2019 hodzie. Da hetaha Pavieł žyŭ razam z baćkami. Praŭda, jon pakul nie znajomiŭ svaich baćkoŭ z baćkami dziaŭčyny.
Ščaście, u razumieńni Paŭła, rabić toje, što tabie padabajecca. Być ź ludźmi, jakija tabie padabajucca, jakich ty lubiš. Zajmacca spravaj, jakaja prynosić tabie zadavalnieńnie. A taksama, kali ty paznaješ niešta novaje i takim čynam raźvivaješsia, nie staiš na miescy. Kali, naprykład, pračytaješ knihu. Pa słovach Paŭła, jon rehularna čytaje (adnu knihu ŭ miesiac). Pry hetym čarhuje mastackuju, navukovuju i litaraturu, jakaja daje mahčymaść raźvivacca.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary