Jaŭrei patrabujuć, kab Łaŭroŭ vybačyŭsia za paraŭnańnie rasijan z achviarami Chałakostu
Jeŭrapiejski jaŭrejski kanhres (EJC) adreahavaŭ na zajavu ministra zamiežnych spraŭ Rasii Siarhieja Łaŭrova, jaki paraŭnaŭ rasijan ź jaŭrejami, a Zachad — z Hitleram.
«My šakavanyja i aburanyja hetym haniebnym paraŭnańniem, zroblenym ministram Łaŭrovym, dziejańniaŭ kaalicyi demakratyčnych krain — z hitleraŭskim pieraśledam i zabojstvam šaści miljonaŭ jaŭrejaŭ padčas Chałakostu. Heta skažeńnie Chałakostu na samym prostym uzroŭni, i my zaklikajem spadara Łaŭrova paprasić prabačeńnia i adklikać hetyja kamientary», — zajaviŭ prezident EJC Aryel Muzikant.
U sieradu Łaŭroŭ paraŭnaŭ rasijan ź jaŭrejami, a Zachad — z Hitleram i Napaleonam.
«Hetak ža, jak Hitler chacieŭ kančatkova vyrašyć «jaŭrejskaje pytańnie», ciapier, kali vy pačytajecie zachodnich palitykaŭ, nie tolki z Polščy i Prybałtyki, ale i značna bolš razumnych, jany adnaznačna kažuć, što Rasija pavinna źviedać stratehičnuju parazu», — skazaŭ jon.
Što zapisana aficyjnaj pryčynaj śmierci adzinaha syna Jarmošynaj?9
Kamientary