Były dziaržsakratar ZŠA Hienry Kisindžer zajaviŭ, što źmianiŭ svajo mierkavańnie z nahody ŭstupleńnia Ukrainy ŭ Paŭnočnaatłantyčny aljans i ciapier ličyć, što hetuju krainu ŭ budučyni treba budzie pryniać u NATA.
«Liču, što ŭkrainskaje členstva ŭ NATA budzie pravilnym vynikam», — zajaviŭ u aŭtorak Kisindžer, vystupajučy pa videasuviazi na Suśvietnym ekanamičnym forumie ŭ Davosie.
U minułym Hienry Kisindžer vystupaŭ za niejtralny status Ukrainy i ličyŭ, što jana nie pavinna ŭvachodzić u vajskovyja aljansy.
«Ideja ab niejtralnaj Ukrainie ŭ ciapierašnich umovach užo nie maje sensu», — pryznaŭ Kisindžer.
99-hadovy Hienry Kisindžer taksama zaklikaŭ da dyjałohu z Maskvoj, da niedapuščeńnia vajny pamiž Zachadam i Rasijaj i vystupiŭ za toje, kab u budučyni, paśla pieraadoleńnia kryzisu, pakinuć Maskvie mahčymaść viarnucca ŭ mižnarodnuju sistemu.
U kancy maja minułaha hoda Kisindžer prapanavaŭ Kijevu pahadzicca na niekatoryja terytaryjalnyja sastupki dziela mirnaj damovy z Rasijaj. Adnak prezident Ukrainy Zialenski raskrytykavaŭ hetuju prapanovu.
Bort Łukašenki z-za techničnych prablem viarnuŭsia ŭ Minsk bieź jaho7
Kamientary