U Paŭdniovym Sudanie aryštavali žurnalistaŭ za videa, jak prezident abmačyŭsia
U Paŭdniovym Sudanie aryštavali supracoŭnikaŭ dziaržaŭnaha ŚMI za raspaŭsiud videazapisu z prezidentam krainy, jaki nie tranślavaŭsia na aficyjnym telebačańni.
Pa źviestkach arhanizacyj pa abaronie pravoŭ ŚMI, šeść žurnalistaŭ dziaržaŭnaj teleradyjokampanii u Paŭdniovym Sudanie byli aryštavanyja za raspaŭsiud videazapisu, na jakim prezident krainy Salva Kiir abmačyŭ sabie štany.
Kamitet pa abaronie žurnalistaŭ (z anhł. The Committee to Protect Journalists, CPJ) zaklikaŭ ich vyzvalić.
«Hetyja aryšty adpaviadajuć schiemie, kali supracoŭniki słužbaŭ biaśpieki pravodziać advolnyja zatrymańni z-za niespryjalnaha aśviatleńnia vobrazu čynoŭnikaŭ. Zaklikajem da biezumoŭnaha vyzvaleńnia žurnalistaŭ», — skazaŭ Mutoki Mumo, pradstaŭnik CPJ u krainach Afryki.
U śniežni 2022 hoda ŭ sacyjalnych sietkach źjaviłasia videa, na jakim vidać, jak prezident Kiir močycca pad siabie padčas vykanańnia nacyjanalnaha himna Paŭdniovaha Sudana na adnym z aficyjnych mierapryjemstvaŭ. Teleradyjoviaščalnaja karparacyja Paŭdniovaha Sudana (z anhł. The South Sudan Broadcasting Corporation, SSBC) śćviardžaje, što hetyja kadry nikoli nie vychodzili ŭ efir.
Patryk Ojet, prezident Sajuza žurnalistaŭ Paŭdniovaha Sudana, zajaviŭ ahienctvu Reuters, što aryštavanyja žurnalisty «padazrajucca ŭ tym, što im viadoma pra toje, jak źjaviłasia videa, na jakim prezident močycca». U toj ža čas ministr infarmacyi Paŭdniovaha Sudana Majkł Makuej paviedamiŭ «Hołasu Amieryki», što ludzi pavinny pačakać, kab daviedacca, čamu hetyja žurnalisty byli zatrymanyja.
Salva Kiir u 2011 hodzie staŭ pieršym prezidentam Paŭdniovaha Sudana — na toj momant samaj maładoj dziaržavy Afryki. Ale z tych časoŭ kraina pieražyła mnostva kryzisaŭ, žorstkich kanfliktaŭ, palityčnych biesparadkaŭ, stychijnych biedstvaŭ i hoład.
Pravaabarončyja arhanizacyi ŭ svaju čarhu nie adnojčy zaklikali ŭłady Paŭdniovaha Sudana spynić pieraśled i pahrozy ŭ adras žurnalistaŭ.
Čytajcie jašče:
Miemuary prynca Hary pastupili ŭ prodaž i karystajucca vialikaj papularnaściu
Na cyrymonii ŭručeńnia «Załatych hłobusaŭ» prahučała zajava Zialenskaha
Što zapisana aficyjnaj pryčynaj śmierci adzinaha syna Jarmošynaj?9
Kamientary
Totalnyje ssyk@ny, čto v Afrikie, raškie, čto škłovskoje suŝiestvo.