«Nastrojenaja pazityŭna i aptymistyčna i maju namier być zdarovaj». Maryja Kaleśnikava dasłała list z-za krataŭ
Baćka Maryi Kaleśnikavaj atrymaŭ ad dački list, napisany jašče ŭ minułym hodzie, 27 śniežnia. Jaho apublikavaŭ telehram-kanał Viktara Babaryki. Kaleśnikava pisała list, znachodziačysia ŭ sančastcy Homielskaj kałonii paśla pieraniesienaj apieracyi.
«Źjaviłasia mahčymaść chadzić-špacyravać kala hadziny ŭ dzień — ja pavoli naroščvaju temp i kolkaść krokaŭ — siońnia 5000, heta sapraŭdny rekord dla mianie, bo z 29.11 da apošniaha tydnia ja amal nie ruchałasia.
U mianie jašče nie ŭsio ŭ paradku, ale ja nastrojenaja pazityŭna i aptymistyčna i maju namier być zdarovaj! Tamu rychtujsia: tvaje draniki i šašłyki ŭ mianie numar 1 u budučym mieniu», — piša Kaleśnikava.
Taksama jana pieradaje pryvitańni ŭsim rodnym i blizkim, dziakuje za padtrymku i kłopat i prosić siabie bierahčy, «bo nam treba budzie tak šmat usiaho zrabić, pavandravać i ŭbačyć, i stolki adkryćciaŭ nas jašče čakaje».
Pavodle apošniaj najaŭnaj infarmacyi, z sančastki Kaleśnikava pakul jašče nie vyjšła.
Čytajcie taksama:
Maryja Kaleśnikava dahetul znachodzicca ŭ sančastcy homielskaj kałonii
Praktyčna nie spała ŭ ŠIZA, hublała prytomnaść — što stała pryčynaj špitalizacyi Maryi Kaleśnikavaj
Nastupstvy mahli być katastrafičnyja. Doktar — pra chvarobu Maryi Kaleśnikavaj
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary