«Kibierpartyzany» nazvali imiony łukašenkaŭskich trolaŭ u pahonach
U novym vypusku prajekta «Dzikaje palavańnie», jaki viadzie Janina Sazanovič, raskazali pra biełaruskuju «fabryku trolaŭ» i toje, chto za joj staić.
Pa źviestkach aŭtaraŭ prajekta, «fabryka trolaŭ» padparadkavanaja Siłam śpiecyjalnych apieracyj Biełarusi i stvoranaja na bazie 742-ha palavoha vuzła suviazi SSA.
Uznačalvaje vuzieł 44-hadovy pałkoŭnik SSA Siarhiej Bajkoŭ. Hety čałaviek, pa źviestkach «Dzikaha palavańnia», kiruje «fabrykaj trolaŭ».
Kaardynuje dziejnaść trolaŭ i nakiroŭvaje ich 27-hadovy supracoŭnik SSA Uładzisłaŭ Harbatoŭski. Jon skončyŭ škołu ŭ 2012 hodzie, a paśla Vajskovuju akademiju ŭ Minsku. U hety pieryjad jon ažaniŭsia i pačaŭ svaju karjeru va Uzbrojenych Siłach. Razam z žonkaj jany lubiać padarožničać, a sam Uładzisłaŭ na fota ŭ sacsietkach paziruje sa strajkbolnaj zbrojaj.
Namieśnik Harbatoŭskaha — supracoŭnik SSA 27-hadovy Andrej Pankin. Jon adkazvaje za supracu z Apieratyŭna-analityčnym centram i raźmierkavańnie zadańniaŭ ad hetaha viedamstva.
Siarod šarahovych supracoŭnikaŭ — 27-hadovaja lejtenant SSA Natalla Łapuckaja. Jaje baćka — vajskoviec na piensii, raniej słužyŭ u «Piačach», dzie i naradziłasia Natalla. Dziaŭčyna advučyłasia na śpiecyjalnaści «Pravaznaŭstva» ŭ Minskim inavacyjnym univiersitecie, a paśla pajšła ŭ «desanturu». Łapuckaja prasłaviłasia tym, što niekali dała vialikaje intervju TUT.BY, dzie raspaviadała pra charastvo i ciažkaści «desantnaha» žyćcia. Jaje brat Andrej taksama słužyć u SSA.
Jašče adna supracoŭnica — 30-hadovaja kapitan SSA Natalla Fijonina (u dziavoctvie — Baravikova). Jana naradziłasia ŭ siamji byłoha vajskoŭca i pajšła pa jahonym šlachu. Natalla skončyła Vajskovuju akademiju i pajšła pracavać u SSA. Jaje muž Uładzisłaŭ — ideołah vajskovaj čaści 35703.
Dzianis Maksimčyk taksama kapitan, jamu 28 hadoŭ i rodam jon ź Lidy. Mužčyna skončyŭ Biełaruski dziaržaŭny ŭniviersitet fizičnaj kultury, lubić futboł i navat adhulaŭ siezon 2016/2017 u bazavaj lizie minskaj lihi mini-futboła ŭ kamandzie Ultimatum. Paśla hetaha pierajšoŭ na pracu ŭ SSA.
Apošniaja hierainia vypusku — 31-hadovaja praparščyca SSA Maryja Šyško. Usio, što viadoma pra jaje adukacyju, — jana skončyła minski Vyšejšy dziaržaŭny kaledž suviazi pa śpiecyjalnaści «Prahramnaje zabieśpiačeńnie sietak elektrasuviazi». Paśla pierajšła pracavać u SSA, i pra jaje zusim mała źviestak.
«Naša Niva» — bastyjon biełaruščyny
PADTRYMAĆ«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary