Za abrazu Łukašenki i dziaržsimvałaŭ «afhanca» z Baranavič asudzili na try hady «chimii»
U sudzie Baranavickaha rajona i Baranavič vyniesieny prysud Hienadziu Borysu, abvinavačanamu ŭ abrazie Alaksandra Łukašenki (č. 1 art. 368 Kryminalnaha kodeksa) i źniavazie dziaržaŭnych simvałaŭ (art. 370), piša «Viasna».
Spravu razhladała sudździa Ina Paŭłoŭskaja, abvinavaŭca — Łyšyk.
Hienadzia Borysa zatrymali ŭzbrojenyja amapaŭcy 9 žniŭnia 2022 hoda ŭ Baranavičach na vulicy Parkavaj. 10 žniŭnia jamu prysudzili 800 rubloŭ štrafu za łajk pad infarmacyjaj z ekstremisckaha sajta (art. 19.11 KaAP — «Vyrab, raspaŭsiud i (albo) zachoŭvańnie ekstremisckich materyjałaŭ»).
Hienadź da suda znachodziŭsia ŭ SIZA.
Pa materyjałach abvinavačańnia, 55-hadovy vieteran vajny ŭ Afhanistanie Hienadź Borys 26 studzienia 2021 hoda ŭ sacyjalnaj sietcy «Adnakłaśniki» na svajoj staroncy ŭ adkrytym dostupie raźmiaściŭ vyjavu ŭ čyrvona-zialonym kolery sa svastykaj z nacyjanalnym arnamientam, tym samym, na dumku suda, cynična źniavažyŭ dziaržaŭny simvał — ściah.
Jon ža ŭ toj samy dzień na svajoj staroncy raźmiaściŭ vyjavu Alaksandra Łukašenki ŭ vajskovym mundziry na fonie svastyki.
Nastupny epizod spravy tyčycca 26 lipienia 2022 hoda. Iznoŭ ža ŭ «Adnakłaśnikach» Borys raźmiaściŭ tekstavaje paviedamleńnie, u jakim paznačyŭ, što «šukajecca teraryst №1», i što za jaho zatrymańnie budzie sabranaja suma ŭ 1 miljon jeŭra. Dalej jon piša, što ŭžo zareziervavana 586 000 jeŭra.
Svaju vinu ŭ ździejśnienym abvinavačany pryznaŭ.
Abvinavaŭca zaprasiŭ dla Hienadzia Borysa abmiežavańnie voli va ŭstanovie adkrytaha typu («chimija») terminam na try hady i šeść miesiacaŭ.
Sud pamienšyŭ hety termin na paŭhoda i prysudziŭ try hady «chimii».
Hienadzia Borysa vyzvalili z-pad varty ŭ zale suda.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary