ZŠA pahražajuć Minsku novymi sankcyjami, kali jon dapamoža Maskvie ŭ vajnie z Ukrainaj
Vašynhton budzie i dalej sačyć za tym, ci zachoča Biełaruś akazać dadatkovuju dapamohu Maskvie ŭ jaje vajnie z Ukrainaj, i kali heta adbudziecca, suprać Minska mohuć być uviedzienyja novyja sankcyi, zajaviŭ na bryfinhu kiraŭnik pres-słužby Dziarždepartamienta ZŠA Nied Prajs.
«Kali my ŭbačym heta [sproby akazvać dadatkovuju padtrymku], ubačym patencyjał dla hetaha, to damo praparcyjny adkaz šlacham uviadzieńnia dadatkovych mier», — skazaŭ jon.
Prajs taksama prakamientavaŭ zajavu rasijskaha prezidenta Uładzimira Pucina, jakuju jon zrabiŭ na pres-kanfierencyi pa vynikach pieramoŭ z Alaksandram Łukašenkam, — ab tym, što Rasija nie źbirajecca «pahłynać» jakuju-niebudź dziaržavu, u tym liku Biełaruś.
Pradstaŭnik Dziarždepa nazvaŭ «viercham ironii» toj fakt, što heta fraza prahučała z vusnaŭ «kiraŭnika krainy, jaki prama ciapier sprabuje hvałtoŭna pahłynuć inšaha svajho mirnaha susieda».
Zaležnaść Łukašenki ad Pucina vyklikaje ŭ Kijevie aściarohi, što rasijski prezident moža ŭ vyniku prymusić jaho dałučycca da vajennych dziejańniaŭ, jakija Rasija viadzie suprać Ukrainy.
Na minułym tydni hałoŭnakamandujučy USU Valeryj Załužny ŭ intervju časopisu Economist kazaŭ, što Rasija rychtuje 200 tys. vajskoŭcaŭ da novaha nastupu, jakoje moža pačacca z poŭdnia, uschodu ci navat z terytoryi Biełarusi ŭžo ŭ studzieni.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary