U piatnicu prajšoŭ niezvyčajny modny pakaz. Brend nižniaj bializny Lovelace arhanizavaŭ jaho ŭ basiejnie, a razam z madelami adzieńnie demanstravali sinchranistki. Fotarepartaž publikuje «Anłajnier».
Podyumam była abranaja spa-zona haściničnaha kompleksu Victoria & Spa. Tut u centry pamiaškańnia jakraz jość vialiki basiejn, a hladackija miescy raźmiaścilisia vakoł jaho.
Lovelace — brend nižniaj bializny rodam ź Biełarusi. Jaho historyja pačałasia z Karyny Kudzinaj, jakaja ŭ 2015 hodzie vyrašyła, što vielmi choča šyć i šyć mienavita pryhožuju nižniuju bializnu. Siońnia brend pradstaŭleny nie tolki ŭ Biełarusi, ale i ŭ Rasii, Polščy i Hruzii.
Słohan brenda — «Bializna z efiektam psichaterapii». U asartymiencie pradstaŭleny jak zručnyja bavaŭnianyja kamplekty, tak i seksualna-karunkavyja. Jość harsety, pižamki, chatnija šorty. Fiška — častaje vykarystańnie strepaŭ i zaviazak. Canavaja palityka — ad 13 rubloŭ za aksiesuar u vyhladzie čokiera na šyju da 195 za dyzajnierskaje bra.
U kancy na podyum vyjšła Karyna Kudzina i skoknuła ŭ basiejn.
«Ja ni razu nie repieciravała hety skačok, — tłumačyła biznesvumien. — U niejki momant ja pačała chvalavacca, pajšła ŭ dušavuju, sieła na padłohu i miedyciravała. Potym ustała i skazała sabie: «Ja zmahu skoknuć efiektna i fiejeryčna navat biez repietycyj!»
-
Biełaruskam prapanoŭvajuć vip-šopinh sa stylistkaj u Italii. Bonus — invalid pieršaj hrupy ŭ kampanii. Navošta?
-
«Kab dzieci nie vyhladali, jak maleńkija čynoŭniki». Dyzajnierka padkazvaje, jak vybrać školnuju formu z katałoha «Biellehprama»
-
Stryžak ździviŭ svaim jarkim kaściumam z Super Mario. Dzie jon jaho ŭziaŭ?
Eks-kandydatku ŭ prezidenty Taćcianu Karatkievič pasadzili na 15 sutak16
Eks-kandydatku ŭ prezidenty Taćcianu Karatkievič pasadzili na 15 sutak
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary