Pa słovach mera horada Vitala Kličko, hałoŭnaje śviatočnaje dreva ŭkrainskaj stalicy budzie štučnym, dvanaccać mietraŭ u vyšyniu. Jalinku ŭpryhožać enierhaźbierahalnymi hirlandami, jakija buduć zabiaśpiečvacca hienierataram. Pobač ź im płanujuć arhanizavać punkty dla padzaradki hadžetaŭ.
Horad nie budzie tracić hrošy ni na jalinku, ni na ŭpryhožvańni. Dreva ŭpryhožać cackami minułych hadoŭ žoŭtaha i siniaha koleraŭ, a taksama ŭ vyhladzie hałuboŭ. Na viarchušcy ŭstalujuć hierb Ukrainy, a la padnožža — stendy sa ściahami krain, jakija dapamahajuć Kijevu padčas vajny.
Masavych mierapryjemstvaŭ, fud-kortaŭ i kirmašoŭ sioleta na Safijskaj płoščy nie budzie.
U toj ža čas kala hałoŭnaj jalinki ŭ Kijevie možna budzie padzaradzić telefon i inšyja hadžety, paviedamiŭ Kličko. Pa jaho słovach, vydatki voźmie na siabie biznes. Kala jalinki pavinny pastavić hienieratar, a samu «lasnuju pryhažuniu» ŭpryhožać enierhaźbierahalnymi hirlandami.
Raniej Kličko zajaviŭ, što nielha «dazvolić Pucinu skraści Kalady» i pryniaŭ rašeńnie ab ustalavańni jalinki. Chacia niekatoryja byli suprać.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»9
Kamientary